Suriyaya qarşı sanksiyaların ləğvi bəzi şərtlərə bağlıdır

SON XƏBƏRLƏR

Suriyaya qarşı sanksiyaların ləğvi bəzi şərtlərə bağlıdır

2025.05.16, 11:28

Amerika prezidenti Donald Trampın Suriyaya qarşı sanksiyaları ləğv etmək qərarının icrası müxtəlif şərtlərə bağlıdır.

Gunaz.tv

GünazTV Musavat.com-a istinadən xəbər verir ki, bunu Ağ Evin Milli Təhlükəsizlik Şurasının terrorla mübarizə üzrə baş direktoru Sebastyan Qorka “Politico” qəzetinin təşkil etdiyi təhlükəsizlik forumunda Trampın Suriyanın müvəqqəti prezidenti Əhməd əş-Şaraa ilə mayın 14-də Ər-Riyadda baş tutan görüşünü şərh edərkən deyib.

O, Suriya prezidentinə bu barədə deyildiyini bildirib: "O (Tramp – red.) indi bu adama, əl-Culaniyə (əş-Şaraanın keçmiş ləqəbi Əbu Məhəmməd əl-Culani – red.) dedi: "Sənin Suriyanı sabitləşdirmək şansın var".

Ancaq bu, qeyd-şərtsiz deyil: azlıqlar, xüsusən də druzlar, xristianlar, kürdlər Dəməşqdə hökumətin bir hissəsi olmalıdır. Bu, bir fürsətdir. Bu, Suriyanı sabitləşdirmək üçün bir pəncərədir. Biz əl-Culaninin nə edə biləcəyini görəcəyik. Gəlin görək indiki dövlət başçısı səlahiyyətlərini icra edən şəxs vədlərini yerinə yetirə biləcəkmi? Bizim ciddi suallarımız var".

Qorka məsələn, “minlərlə yaraqlının”, o cümlədən əcnəbilərin “Suriyanın hər yerində təcridxanalarda saxlanılması” problemini nəzərdə tutduğunu deyib: "Onların aqibəti necə olacaq? Vətənlərinə qaytarılacaqlarmı?".

Ondan Trampın bütün bu tələbləri birbaşa Əş-Şaraaya deyib-demədəyinə aydınlıq gətirməsi istənilib: "İnanın mənə, bağlı qapılar arxasında biz bu qeyd-şərtləri çox açıq şəkildə bildirmişik".

Ş.E

GUNAZ.TV

SON XƏBƏRLƏR