Zelenski Romada Vens və Rubio ilə görüşüb

SON XƏBƏRLƏR

Zelenski Romada Vens və Rubio ilə görüşüb

2025.05.19, 13:39

Ukrayna Prezidenti Volodimir Zelenski, Amerikanın vitse-prezidenti Cey Di Vens və dövlət katibi Marko Rubio ilə Romada görüş keçirib.

Gunaz.tv

GünazTV Azpolitika-ya istinadla xəbər verir ki, təxminən 40 dəqiqə davam edən bu görüş, fevral ayında Ağ Evdə baş vermiş fikir ayrılığından sonra tərəflər arasında ilk birbaşa təmas oldu.

Zelenski görüşü “yaxşı” adlandıraraq bildirib ki, tərəflər 16 mayda İstanbulda keçirilmiş Rusiya-Ukrayna danışıqlarını müzakirə ediblər. Ukrayna liderinin sözlərinə görə, Rusiya bu danışıqlara səlahiyyətsiz və aşağı səviyyəli nümayəndə heyəti göndərib, bu isə Moskvanın danışıqlara ciddi yanaşmadığını göstərir.

“Ukraynanın həqiqi diplomatiyaya hazır olduğunu təsdiqlədim və atəşkəsin tezliklə, tam və qeyd-şərtsiz elan edilməsinin vacibliyini vurğuladım”, - deyə Zelenski “Telegram” hesabında qeyd edib.

Zelenskinin sözlərinə görə, Romadakı görüşdə həmçinin əsir mübadiləsinin gələcəyi və Rusiyaya qarşı yeni sanksiyaların tətbiqi məsələləri də müzakirə olunub. Ukrayna Prezidenti vurğulayıb ki, Rusiyaya təzyiqlər müharibəni dayandırmağa hazır olana qədər davam etməlidir.

Daha sonra Zelenski yeni Roma papası XIV Levin ilə ayrıca görüş keçirib.

Zelenski Vatikana minnətdarlığını bildirərək qeyd edib ki, bu qurum Ukrayna ilə Rusiya arasında birbaşa danışıqlar üçün potensial platforma rolunu oynamağa hazır olduğunu bəyan edib.

Ş.E

GUNAZ.TV

SON XƏBƏRLƏR