Contact Us

SON XƏBƏRLƏR

The Telegraph: Tramp Putinə qarşı mövqeyini sərtləşdirir

2025.05.29, 14:23
The Telegraph: Tramp Putinə qarşı mövqeyini sərtləşdirir

Amerika Prezidenti Donald Tramp Rusiyaya xəbərdarlıq edib ki, Ukrayna ərazisinə hücumunu davam etdirməklə odla oynayır. Amma bu sözlər yalnız Ağ Evin Kremlə qarşı daha sərt davranmağa başlayacağı təqdirdə məna kəsb edəcək.

Gunaz.tv

GünazTV xəbər verir ki, bu barədə “The Telegraph” yazır.

Britaniya nəşrinin fikrincə, Trampın münaqişənin həllində iştirakı ilə bağlı əsas problemlərdən biri onun rusiyalı həmkarı Vladimir Putinə münasibətinin qeyri-sabitliyidir. Müxtəlif vaxtlarda o, Rusiya Prezidentini gah “ağıllı”, gah da “tamamilə dəli” adlandırıb. Mənbəyə görə, Amerika liderinin mövqeyindəki qeyri-sabitlik müharibəni diplomatiya yolu ilə dayandırmaq cəhdlərinə etibarı sarsıdır.

Donald Tramp Ağ Evə qayıtdıqdan sonra 24 saat ərzində müharibəni bitirəcəyi barədə yüksək səslə verdiyi bəyanatlara baxmayaraq, onun və komandasının faktiki davranışları Ukraynanı ağrılı, o cümlədən ərazi güzəştlərinə məcbur etmək cəhdi kimi görünür. Amerika Prezidentinin bu siyasəti həm Avropa İttifaqı və NATO üzvləri, həm də Kiyevin özü tərəfindən kəskin tənqid olunur.

Bununla belə, “Telegraph” qeyd edir ki, Tramp artıq Putinin sülhə can atmadığını anlamağa başlayıb. Vaşinqton Kiyevi uzaqmənzilli raketlər və müasir hava hücumundan müdafiə vasitələri ilə təmin etmək imkanlarını müzakirə edir. Məqalədə deyilir ki, bu, Ukraynanın müdafiəsini gücləndirməklə yanaşı, Rusiyaya istədiyi qələbənin olmayacağına dair açıq siqnal göndərəcək.

“Putin Trampın zəif cəhətlərindən istifadə etsə də, Amerika prezidentinin hələ də hadisələrin gedişatını dəyişdirmək şansı var – amma indi və qətiyyətlə hərəkət etdiyi təqdirdə”, - nəşr vurğulayır.

 

 

Ş.E

Açar Sözlər :

SEÇİLMİŞ XƏBƏRLƏR

Çox oxunanlar