Contact Us

SON XƏBƏRLƏR

Avropada iki ölkədən fəlakət ssenarisi

2025.06.03, 12:50
Avropada iki ölkədən fəlakət ssenarisi

Qərb ölkələri ilə Rusiya arasında münasibətlər gərginləşməkdə davam edir.

Gunaz.tv

Günaz TV "Global.info"ya istinadən xəbər verir ki, Almaniyanın müdafiə rəsmilərinin “Moskva ilə mümkün müharibəyə hazırlaşırıq” bəyanatından sonra Böyük Britaniyadan da oxşar səslər eşidilməyə başlayıb. Bu, beynəlxalq aləmdə ciddi narahatlıq doğurub. Sözügedən açıqlamaların real təhlükənin xəbərçisi olub-olmadığı isə sual altındadır.

Hazırda birbaşa olmasa da, Qərblə Rusiya arasında ciddi toqquşma yaşanır və bunun təməli Ukrayna müharibəsindən sonra qoyulub. Bu barədə politoloq Zeynal Əmrəliyev fikirlərini bildirib.

“Bu siyahıya əvvəllər Amerika da daxil idi. Lakin Donald Trampın hakimiyyətə qayıdışından və Rusiyaya qarşı münasibətin dəyişməsindən sonra iki ölkə arasındakı gərginlik müəyyən dərəcədə azaldı. Almaniyada Olaf Şolz hökuməti Moskvaya qarşı sərt mövqe nümayiş etdirsə də, birbaşa toqquşmadan çəkinirdi. Məsələn, Fransa Prezidenti Emmanuel Makron Ukraynaya qoşun göndərmək barədə qərar qəbul edəndə onlar buna qarşı çıxmışdı. Ancaq yeni hakimiyyətə gələn Fridix Mertz hökuməti Kreml əleyhinə ritorikanı daha da sərtləşdirib”. - deyə o bildirib.

Ekspert xatırladıb ki, Böyük Britaniya hazırda Ukraynaya ən çox dəstək göstərən ölkədir:

“Londonun bu cür mövqe sərgiləməsi gözlənilən idi. Ancaq nə Almaniyanın, nə də Britaniyanın Rusiya ilə birbaşa müharibəyə girməsi gözlənilmir. Çünki hər iki dövlət NATO-nun üzvüdür və Moskva ilə silahlı toqquşma Rusiya–NATO müharibəsi anlamına gələr”.

 

C

Açar Sözlər :

SEÇİLMİŞ XƏBƏRLƏR

Çox oxunanlar