İran Britaniya agentlərini həbs etməyə çalışır

SON XƏBƏRLƏR

İran Britaniya agentlərini həbs etməyə çalışır - Teleqraf

2025.08.19, 10:12

İran danışıqlara təzyiq etmək üçün Britaniya kəşfiyyat məmurlarını həbs etməyə çalışır.

Gunaz.tv

Bunu Britaniyanın "Teleqraf" nəşri yazıb.

"İslam Respublikası Talibanla əməkdaşlıq edərək Britaniya təhlükəsizlik və kəşfiyyat qüvvələrinin siyahısını əldə etməyə və bununla da, onları həbs edərək bundan Qərblə danışıqlarda vasitə kimi istifadə etmək niyyətindədir",- nəşr qeyd edib.

"Teleqraf"-ın Tehrandakı yüksək rütbəli məmura istinadla yazdığına görə, İran İnqilab Keşikçiləri Korpusunun (SEPAH) dörd rəsmisi Məsud Pezeşikian hökumətindən xəbərsiz keçən həftə Kabilə səfər edib və Taliban liderləri ilə bu siyahıdan istifadəni müzakirə ediblər.

Qəzet bundan əvvəl avqustun 5-də bu haqda dərc etdiyi məlumatda bildirib ki, SEPAH komandirləri Talibandan onlara Britaniya casuslarını İranda həbs etmək üçün Britaniya ilə əməkdaşlıq etmiş 25 min Əfqanıstan vətəndaşının siyahısını təqdim etməyi tələb ediblər.

İddiaya görə, SEPAH komandirlərindən ibarət bu qrup Talibana qrupun Əfqanıstandakı hakimiyyətinin tanınması prosesini sürətləndirmək üçün Pezeşkian hökumətinə təzyiq göstərəcəklərini vəd ediblər.

GünazTV

GUNAZ.TV

SON XƏBƏRLƏR