İrana gələn xarici turistlərin sayı 75 faiz azalıb

SON XƏBƏRLƏR

İrana gələn xarici turistlərin sayı 75 faiz azalıb

2025.09.03, 09:30

12 günlük müharibədən sonra İrana gələn xarici turistlərin sayı 75 faiz azalıb.

Gunaz.tv

Bunu İranın mədəni irs naziri Rza Salehi Əmiri deyib.

O, turizm sahəsinin mütəxəssislərinin müharibədən sonrakı dövr üçün turistlərin cəlbi istiqamətində plan hazırladıqlarını bildirib:

"Müharibədən sonrakı dövr üçün müəyyən etdiyimiz siyasət nazirlikdə uzunmüddətli ekspert işinin məhsuludur və qarşıdakı 6 ay ərzində 10 milyon turistin cəlb edilməsi nəzərdə tutulub".

Nazir bunun baş tutmasının ölkənin, regionun təhlükəsizlik şəraitindən və gözlənilən proseslərdən asılı olduğunu söyləyib.

Qeyd edək ki, 12 günlük müharibədən sonra İran Xarixi İşlər Nazirliyi xarici turistlərin İrana təkbaşına səyahətini qadağan edib və viza almaq üçün tələb olunan şərtləri xeyli sərtləşdirib.

Yeni qaydalara əsasən, viza müraciətçiləri sosial media hesablarına qədər şəxsi məlumatlarını təqdim etməlidirlər. Bundan əlavə, rəsmi turizm agentliyi ilə müqavilə, hotel rezervasiyası təsdiqi, tam səyahət marşrutu və lisenziyalı bələdçi ilə müşayiət olunmaq məcburidir.

Əlavə olaraq, müraciət edənlərdən CV, təhsil və səyahət tarixçəsi də tələb olunur. İran səfirlikləri ərizələri 2-3 həftə ərzində araşdıracaq.

Bundan əvvəl İranın "Etimad" qəzeti son 5 ildə ölkədə turizm sahəsinin çökdüyü barədə məlumat yayıb.

Turizm agentlikləri isə yeni məhdudiyyətlərdən sonra turizm sahəsinin dahada acınacaqlı vəziyyətə düşəcəyini bildirirlər.

GünazTV

GUNAZ.TV

SON XƏBƏRLƏR