London İrana məxsus binanı müsadirə etdi

SON XƏBƏRLƏR

London İrana məxsus binanı müsadirə etdi

2025.10.07, 13:53

İngiltərə və Uelsin Apellyasiya Məhkəməsi İran Milli Neft Şirkəti və Birləşmiş Ərəb Əmirliklərinin "Crescent Petroleum" şirkətlərinin işi üzrə aşağı instansiya məhkəməsinin qərarını qüvvədə saxlayıb.

Gunaz.tv

Bu haqda Britaniya mediası məlumat yayıb.

Məlumata görə, İran Milli Neft Şirkətinin Londonda dəyəri 100 milyon funt-sterlinq (təxminən 125 milyon dollar) olan binası müsadirə edilib.

"Mülk indi Britaniya məhkəmə sisteminin tam nəzarəti altındadır və ondan "Crescent"-ə beynəlxalq arbitraj qərarında müəyyən edilmiş 2,4 milyard dollardan çox zərərin bir hissəsini kompensasiya etmək üçün istifadə edəcək,- məlumatda bildirilib.

“Crescent" müqaviləsi” kimi tanınan iş 2002-ci ildə İran Milli Neft Şirkəti ilə Birləşmiş Ərəb Əmirliklərinin "Crescent Group"u arasında bağlanmış qaz tədarükü müqaviləsindir.

Mübahisə İran Milli Neft Şirkətinin müqavilə üzrə öhdəliklərini yerinə yetirməməsi ilə başlayıb və bu, işin beynəlxalq arbitraja çıxarılmasına səbəb olub.

Qeyd edək ki, BƏƏ şirkəti budan əvvəl də İran tərəfinə qarşı qaldırdıı iddaya görə 18 april 2024-cü ildə Londonda İran Milli Neft Şirkətinə məxsu 125 milyon dollar dəyərindəki binanın müsadirə olunmasına nail olub.

İran Milli Neft Şirkətinin beş ölkədə, Böyük Britaniya, Hollandiya, Hindistan, Çin və Sinqapurda ofisləri olub, London və Rotterdam ofislərinin müsadirə edilməsindən sonra indi şirkətin Avropada heç bir ofisi yoxdur.

GünazTV

GUNAZ.TV

SON XƏBƏRLƏR