Contact Us

SON XƏBƏRLƏR

Ehsan Fəridinin anası: Haqsızlıq qarşısında susmaq xəyanətdir

2025.10.15, 12:03
Ehsan Fəridinin anası: Haqsızlıq qarşısında susmaq xəyanətdir

Təbriz həbsxanasında edama məhkum edilən 22 yaşlı azərbaycanlı tələbə Ehsan Fəridinin anası xanım Pərvin Hayati oğlunun işinin ədalətsiz gedişinə toxunaraq, insanlardan və insan haqları təşkilatlarından oğlunun səsi olmalarını istəyib.

Gunaz.tv

O bu barədə özünün videomüraciətində danışıb.

“Oğlum həbs olunanda 20 yaşı tamam olmamışdı və 17 aydır ki, dəmir barmaqlıqlar arxasında ümidlə qorxu arasında nəfəs alır. Ehsan günahsızdır. Onun əleyhinə heç bir sübut yoxdur. Mən bir gəncin anasıyam, tək arzum oğlumun sağ qalmasıdır. 20 yaşlı gənc korrupsioner ola bilərmi? And içirəm ki, əzizim Ehsan qeyd-şərtsiz azadlığa buraxılmayana və bəraət qazanana qədər dincəlməyəcəm. Ümid edirəm ki, heç bir ana öz həyatını belə əzab içində övladını xilas etmək üçün riskə atmaq məcburiyyətində qalmaz.” - deyə Pərvin Hayati xanım bildirib.

Xatırladaq ki, Təbriz Universitetinin İstehsalat mühəndisliyi şöbəsinin tələbəsi olan Ehsan Fəridi 2024-cü il martın 18-də rejim əleyhinə təbliğat aparmaq ittihamı ilə həbs edilmiş və 10 günlük sorğu-sualdan sonra məhkəmənin sonuna qədər zaminə buraxılaraq müvəqqəti olaraq azad edilmişdi. Ehsan Fəridi 2024-cü il iyunun 18-da yenidən Təbriz prokurorluğunun 15-ci şöbəsinə getdikdən sonra həbs edilərək Təbriz zindanına köçürüldü. Bundan sonra ona qarşı yönəldilən ittiham dəyişdirildi və haqqında ölüm hökmü çıxardıldı.

Bundan əvvəl azərbaycanlı vəkil Sina Yusefi Ehsan Fəridinin işinin müstəntiqi, Təbriz Xalq və İnqilab Prokurorluğunun 15-ci şöbəsinin müdiri Seyid Əli Musəvi Əqdəmin rüşvət almaqda və korrupsiya dəstəsi yaratmaqda ittiham olunaraq həbs edildiyini açıqlamışdı.

Bildirilir ki, Fəridinin ittihamının araşdırılması zamanı Musəvi onu ailəsindən rüşvət istəmiş, lakin ailə bundan imtina etdikdə o, rejim əleyhinə təbliğat ittihamını korrupsiya ittihamına dəyişmişdi.

 

C

Açar Sözlər :

SEÇİLMİŞ XƏBƏRLƏR

Çox oxunanlar