Xameneinin nüfuzu azalıb, rəqiblər ondan sonrakı dövrə hazırlaşırlar

SON XƏBƏRLƏR

Xameneinin nüfuzu azalıb, rəqiblər ondan sonrakı dövrə hazırlaşırlar

2025.10.22, 14:36

Əli Şəmxaninin qızının toy videosunun yayılması, onun hicab qaydalarının qorunmadığı dəbdəbəli toy mərasimi keçirməsi İran hakimiyyətinin yuxarı qatlarında qarşıdurmaların yeni mərhələyə keçməsindən xəbər verir.

Gunaz.tv

Videoların yayılmasından sonra Şəmxani verdiyi bəyanatda həm də yumuşaq tonla rəqibləri təhdid edib və sistemin çökəcəyi təqdirdə hamısının məhv olacağına diqqət çəkib:

"Biz hamımz bir gəmidəyik və allah eləməsin düşmənlər bu gəmiyə xəsarət yetirsələr hamımız problem yaşayacayıq".

"Düşmənlərin hakimiyyət daxilində ixtilaf yaratmaq üçün bəhanə axtardığını deyən Şəmxani, hamını Əli Xaməneinin ətrafında birləşməyə çağırıb:

"Məsləhət görürəm ki, hamı rəhbərin ətrafında birləşsin, çünki düşmən hər birimizi ələ keçirmək və ölkənin təməlini sarsıtmaq istəyir”.

Əli Xaməneinin Ali Müdafiə Şurasındakı nümayəndəsi, Ali Milli Təhlükəsizlik Şurasının keçmiş katibi və İran Məsləhət Şurasının üzvü Əli Şəmxaninin bu bəyanatı hakimiyyətdaxili çatın üzdə görünəndən daha dərin olmasından xəbər verir.

Onun qızının toy mərasiminin ötən ilin aprelində Tehranın Spinas Palace otelində keçirilməsinə baxmayaraq, videonun indi yayılması, İsrailin hücumundan sonra Əli Xaməneinin nüfuzunun kəskin azalması ilə əlaqəlidir.

Görünür ki, bu günə kimi İran rəhbərindən çəkinən rəqib siyasətçi və komandalar onun imicinin zədələnməsindən sonra özlərini daha arxayın aparmağa başlayıblar.

Bundan əvvəl hakimiyyət daxilindəki qarşıdurma və rəqabətləri açıq şəkildə bruzə verməyə çəkinən qüvvələr indi bunu açıq şəkildə edir, Əli Xaməneidən sonrakı dövrdə hakimiyyəti ələ almaq üçün alternativ komandaları sıradan çıxarmağa çalışırlar.

GünazTV

GUNAZ.TV

SON XƏBƏRLƏR