Contact Us

SON XƏBƏRLƏR

Təbrizdə güclü partlayış; gizli əməliyyat ehtimalları gündəmdə

2026.01.20, 07:43
Təbrizdə güclü partlayış; gizli əməliyyat ehtimalları gündəmdə

Gunaz.tv

Yerli mənbələr bazar ertəsi axşamı, 19 yanvar tarixində Təbriz Hərbi Hava Bazası ətrafında güclü səs eşidildiyini bildirib. Məlumatlara görə, səs şəhərin Yagçiyan qəsəbəsi və Vəliəsr (Valiasr) məhəlləsi də daxil olmaqla bir sıra ərazilərində eşidilib və bölgədə güclü titrəyişə səbəb olub.

Bəzi təsdiqlənməmiş məlumatlarda səsin hərbi mərkəzlərə və Sepah-a bağlı obyektlərin yaxınlığı ilə əlaqələndirildiyi qeyd olunur. Bu iddialar indiyədək heç bir müstəqil mənbə tərəfindən təsdiqlənməyib. Şahidlər səsin gücünü “böyük partlayış təəssüratı yaradacaq səviyyədə” kimi təsvir ediblər.

Eyni zamanda X (keçmiş Twitter) sosial şəbəkəsində reaksiyalar sürətlə yayılıb. Bəzi ingilisdilli və israilli istifadəçilər Təbriz Hərbi Hava Bazası yaxınlığında “genişmiqyaslı partlayış” baş verdiyini iddia edərək, bunu mümkün təhlükəsizlik xarakterli bir hadisə kimi şərh ediblər. Sözügedən paylaşımlarda bu hadisə “İranda yaşayan insanlara çatan kömək” kimi təqdim olunub.

İran hakimiyyətinin rəsmiləri isə bir neçə saat sonra yayımladıqları açıqlamada eşidilən səsin “şimşək və ildırım” nəticəsində yarandığını iddia ediblər. Bu açıqlama yerli mənbələrin şübhələri və hadisə zamanı bölgədə belə hava şəraitinin qeydə alınmaması fonunda suallar doğurub.

Qeyd edək ki, Təbriz Hərbi Hava Bazası İranın şimal-qərbində yerləşən strateji hərbi mərkəzlərdən biri sayılır və Sepah ilə operativ əməkdaşlıq çərçivəsində bölgədə hava örtüyü, logistik dəstək və mühafizə funksiyalarını yerinə yetirir. Müstəqil və şəffaf məlumatın olmaması səbəbindən hadisənin mahiyyəti ilə bağlı qeyri-müəyyənlik hələ də qalmaqdadır.

GünazTV

 

Açar Sözlər :

SEÇİLMİŞ XƏBƏRLƏR

Çox oxunanlar