Contact Us

SON XƏBƏRLƏR

KİV: Avropa Trampın Davosda BMT-yə alternativ beynəlxalq qurum yaratmaq planından narahatdır

2026.01.21, 15:58
KİV: Avropa Trampın Davosda BMT-yə alternativ beynəlxalq qurum yaratmaq planından narahatdır

Bir sıra Avropa ölkələrinin başçıları ABŞ Prezidenti Donald Trampın Davosda yeni beynəlxalq qurumun — faktiki olaraq Birləşmiş Millətlər Təşkilatına alternativ strukturun — yaradıldığını elan edə biləcəyindən ehtiyatlanırlar.

Gunaz.tv

Günaz TV APA-ya istinadən xəbər verir ki, bu barədə “Bild” nəşri mənbələrinə istinadən məlumat yayıb.

Nəşrin məlumatına görə, söhbət Trampın Qəzza ilə bağlı planı çərçivəsində irəli sürdüyü “Sülh Şurası” adlandırılan təşəbbüsdən gedir. İlkin olaraq bu qurumun Qəzza sektorundakı vəziyyətə nəzarət etməsi nəzərdə tutulsa da, sızdırılan nizamnamənin mətnində bu mövzu demək olar ki, arxa plana keçib. Əvəzində “münaqişədən zərər çəkən və ya münaqişə təhlükəsi ilə üzləşən regionlarda sülhün təmin olunması” kimi daha geniş missiya müəyyən edilib

Mənbələrin bildirdiyinə görə, Tramp bu Şuraya təkbaşına rəhbərlik etmək, hətta öz varisini müəyyənləşdirmək səlahiyyətinə malik olacaq.

Avropada narahatlığı artıran məqamlardan biri də dəvət olunan ölkələrin tərkibidir. Məlumata əsasən, Almaniya, Fransa, Ukrayna, Çin və Rusiyaya daxil olmaqla bir çox dövlətlərə rəsmi dəvətlər göndərilib.

Avropa İttifaqında hesab edirlər ki, bu təşəbbüsdən imtina olunması Trampın qəzəbinə və yeni sanksiyalara səbəb ola bilər, iştirak isə Avropanın təsir imkanlarını zəiflədə bilər.

 

C

Açar Sözlər :

SEÇİLMİŞ XƏBƏRLƏR

Çox oxunanlar