ABŞ İrana görə 11 gəmi və 8 şirkətə sanksiya tətbiq etdi

SON XƏBƏRLƏR

ABŞ İrana görə 11 gəmi və 8 şirkətə sanksiya tətbiq etdi

2026.01.24, 10:19

Yanvarın 23-də ABŞ İranla əlaqəli doqquz gəmi və səkkiz dəniz xidmətləri şirkətini sanksiya siyahısına əlavə etdi.

Gunaz.tv

Bu barədə ABŞ Maliyyə Nazirliyi məlumat yayıb.

Məlumata görə, bu doqquz gəmi İranaa qarşı beynəlxalq sanksiyalardan yayınmaq üçün "kölgə donanması"nın bir hissəsidir və Ağ Evin İranda dinc etirazçıların qətliamına cavabı və Tehrana təzyiqi artırmaq siyasətinə uyğun olaraq sanksiyalara məruz qalıb.

Bəyanatın əvvəlində ABŞ Maliyyə Nazirliyi yeni sanksiyaların səbəbinin "İslam Respublikasının dinc etirazçılara qarşı ölümcül və qəddarcasına repressiyası, eləcə də İran xalqına qarşı təqiblərin miqyasını gizlətmək məqsədilə internetə çıxışın tamamilə bağlanması" olduğunu vurğulayıb.

ABŞ Maliyyə Nazirliyinin açıqlamasına görə, müxtəlif ölkələrdə yerləşən bu doqquz gəmi və onların idarəetmə və ya sahibi şirkətləri İran neftini və neft məhsullarını yüz milyonlarla dollar dəyərində xarici bazarlara köçürüblər.

"Bugünkü sanksiyalar İranın Tehranın öz xalqını boğmaq üçün ehtiyac duyduğu maliyyə resurslarını yaratmaq mexanizminin vacib bir hissəsini hədəf alır", - deyə Maliyyə Naziri Skott Bessent açıqlamasında bildirib.

GünazTV

GUNAZ.TV

SON XƏBƏRLƏR