Contact Us

SON XƏBƏRLƏR

Bir həkimin edam təhlükəsi: Qəzvində etirazçılara tibbi yardım göstərən iki cərrah saxlanılıb

2026.01.26, 13:55
Bir həkimin edam təhlükəsi: Qəzvində etirazçılara tibbi yardım göstərən iki cərrah saxlanılıb

Gunaz.tv

Qəzvin şəhərində çalışan ümumi cərrahiyyə üzrə mütəxəssis və xərçəng üzrə ali ixtisas (fellowship) sahibi dr. Əlirza Qolçini və ortoped-travmatoloq dr. Fərhad Nədəəli, 1404-cü ilin dey ayındakı (yanvar 2026) ümumölkə etirazları zamanı yaralılara tibbi yardım göstərdiklərinə görə saxlanılıblar. Məlumatlara görə, dr. Əlirza Qolçini barəsində edam hökmünün çıxarılması və icrası təhlükəsi mövcuddur.

Sosial şəbəkələrdə yayılan məlumatlar və insan haqları mənbələrinin bildirdiyinə əsasən, dr. Qolçini Qəzvində etirazlar zamanı yaralılara pulsuz tibbi yardım göstərdiyi üçün 1404-cü ilin dey ayında təhlükəsizlik qüvvələri tərəfindən saxlanılıb. Bildirilir ki, o, etirazçıların qətlə yetirilməsinə etiraz etdiyi və yaralılara yardım göstərdiyi üçün ortoped cərrah dr. Fərhad Nədəəli ilə birlikdə tutulub və naməlum məkana aparılıb.

Dr. Qolçiniyə qarşı irəli sürülən ittihamlar “milli təhlükəsizliyə qarşı fəaliyyət” və “casusluq” kimi təqdim olunur. İnsan haqları fəallarının vurğuladığına görə, bu ittihamlar birbaşa onun tibbi və müalicə fəaliyyətləri ilə bağlıdır; peşəkar tibbi prinsiplərə əsasən bu cür yardım həkimlərin insani və etik borcu sayılır, lakin İranın təhlükəsizlik qurumları tərəfindən cinayətləşdirilir.

Məlumatlara görə, dr. Əlirza Qolçini hazırda Tehranda saxlanılır, təkadamlıq kamerada tutulur və ağır təzyiq və pis rəftara məruz qalır. Qeyri-rəsmi mənbələr onun barəsində edam hökmünün çıxarıldığını bildirir və bu həkimin həyatı üçün dərhal təhlükə olduğu barədə xəbərdarlıq edirlər.

GünazTV

 

Açar Sözlər :

SEÇİLMİŞ XƏBƏRLƏR

Çox oxunanlar