Contact Us

SON XƏBƏRLƏR

KİV: Körfəz ölkələri hücuma məruz qalacaqları təqdirdə müdaxilə edə biləcəkləri barədə İrana xəbərdarlıq ediblər

2026.02.01, 15:04
KİV: Körfəz ölkələri hücuma məruz qalacaqları təqdirdə müdaxilə edə biləcəkləri barədə İrana xəbərdarlıq ediblər

Səudiyyə Ərəbistanının rəhbərlik etdiyi Ərəb körfəzi ölkələri Tehran və Vaşinqton arasındakı qarşıdurma nəticəsində hücuma məruz qalacaqları təqdirdə İrana müdaxilə edə biləcəkləri barədə xəbərdarlıq ediblər.

Gunaz.tv

Bu barədə İsrailin "Kan News' agentliyi məlumat yayıb.

Məlumata görə, onlar İrana Amerika-İran qarşıdurmasına cəlb olunmaq istəmədiklərini bildiriblər və Amerikanın İrana hücum etmək üçün ərazilərindən və ya hava məkanından istifadə etməsinə icazə verməyəcəkləri barədə birbaşa mesajlar veriblər.

Səudiyyə kral ailəsindən olan bir mənbə xəbərdarlıq edib ki, əgər İran və ya müttəfiqləri Ərəb körfəzi ölkələrinə və ya oradakı Amerika bazalarına zərbələr endirsələr, bu, potensial olaraq onların münaqişədə iştirakına səbəb olacaq.

Kanın məlumatına görə, mənbə bildirib ki, onlar geniş hərbi əməliyyatdansa İrana təzyiqlərin iqtisadi müstəvidə qalmasından yanadırlar.

Kan bildirib ki, İsrail və Amerika tam koordinasiyada fəaliyyət göstərirlər və İsrail Amerikanın İrana hücumu halında Vaşinqtondan kifayət qədər əvvəlcədən xəbərdarlıq almağı gözləyir.

Məlumata görə, İsrail Baş Qərargah rəisi Eyal Zamir həftəsonu Amerikanın İrana mümkün hücum hazırlıqları ilə əlaqədar olaraq yüksək vəzifəli Amerika rəsmiləri ilə intensiv müzakirələr aparıb.

 

- Cəfər Cəfərli

Açar Sözlər :

SEÇİLMİŞ XƏBƏRLƏR

Çox oxunanlar