Contact Us

SON XƏBƏRLƏR

Şok Atmosfer | Gökhan Kırdar “Cendere”ni ifa etdi, Matlı Stadionu silkələndi (Foto-Video)

2026.02.16, 14:20
Şok Atmosfer | Gökhan Kırdar “Cendere”ni ifa etdi, Matlı Stadionu silkələndi (Foto-Video)

Gunaz.tv

Türkiyənin II Liqa çərçivəsində keçirilən Bursaspor – Kırklarelispor qarşılaşmasından əvvəl Matlı Stadionu möhtəşəm səhnəyə şahid oldu. “Cendere” əsərinin müəllifi Gökhan Kırdar komandanın meydana çıxmasından öncə parçanı canlı ifa etdi və tribunalarda böyük coşğu yaşandı.

“Cendere”nin gur zərb alətləri və ritmik quruluşu stadionu epik və qürur dolu ab-havaya bürüdü. Güclü ritmlər qədim türk döyüş və mərasim musiqisini xatırladaraq azarkeşlər arasında birlik və həyəcan hissini artırdı.

Musiqi quruluşu baxımından “Cendere” qədim türk ənənələrinə, o cümlədən şamanizmə aid zərb ritmləri ilə oxşarlıqlar daşıyır. Tarixən bu mərasimlərdə nağara kollektiv ruh yüksəkliyinin formalaşmasında mühüm rol oynayıb. Qeyd edək ki, əsər ilkin olaraq bir televiziya serialının musiqisi kimi bəstələnib.

“Kurtlar Vadisi” serialının bəstəkarı olan Gökhan Kırdar ifa zamanı azarkeşlərlə birlikdə şüarlar səsləndirdi, tribunalarla sinxron şal şousu təşkil etdi və tamaşaçıların ayaqüstə alqışları ilə qarşılandı.

Sosial şəbəkələrdə sürətlə yayılan görüntülər bu anı oyundan əvvəl günün ən diqqətçəkən hadisəsinə çevirdi.

Qarşılaşmanın özündə isə Bursaspor rəqibini 4:0 hesabı ilə məğlub etdi. Bu qələbə ilə komanda xallarını 54-ə çatdıraraq turnir cədvəlinin zirvəsində mövqeyini möhkəmləndirdi.

 

GünAzTV

R.G

.

Açar Sözlər :

SEÇİLMİŞ XƏBƏRLƏR

Çox oxunanlar