Contact Us

SON XƏBƏRLƏR

Əli Xamenei varisliyə hazırlaşır

2026.02.22, 21:33
Əli Xamenei varisliyə hazırlaşır

Gunaz.tv

Əli Xamenei mümkün fiziki aradan götürülmə və ya birbaşa hücum ehtimalına qarşı vəziyyəti idarə etmək üçün addımlar atıb.

ABŞ-ın The New York Times qəzetinin yaydığı məlumata görə, İranın ali rəhbəri Əli Xamenei sui-qəsd və ya hərbi hücum ehtimalı fonunda rejimin davamlılığını təmin etmək məqsədilə xüsusi tədbirlər görüb.

Məlumata əsasən, ölkə daxilində geniş etirazlar və xarici təzyiqlərin artdığı bir vaxtda Xamenei icraedici səlahiyyətlərin mühüm hissəsini özünə yaxın fiqur, Əli Laricaniyə həvalə edib.

Günaz TV-nin xəbərinə görə, Xameneinin ölkənin operativ idarəetməsinin bir hissəsini Laricaniyə ötürməsi təkcə xarici hücum qorxusu ilə bağlı deyil, eyni zamanda hakimiyyət daxilində siyasi narahatlıq və mövcud vəziyyətə inamsızlığın göstəricisi kimi qiymətləndirilir.

Laricaniyə böhran vəziyyətinin idarə olunması və mümkün genişmiqyaslı qarşıdurma və ya əsas fiqurların hədəfə alınması halında dövlət strukturunun dağılmasının qarşısını almaq vəzifəsi tapşırılıb.

NYT-yə danışan mənbələr bildiriblər ki, Xamenei Laricaniyə və ona yaxın siyasi-hərbi çevrəyə mümkün hava hücumu və ya sui-qəsd halında hakimiyyətin davamı üçün müxtəlif ssenarilər hazırlamağı tapşırıb.

Plan əsas vəzifələr, o cümlədən ordu və dövlət qurumlarında rəhbər postlar üçün öncədən varis mexanizmlərinin müəyyənləşdirilməsini də əhatə edir ki, əsas komandirlər və ya rəhbər həlak olarsa, əvvəlcədən təyin olunmuş şəxslər sistemi qoruyub saxlaya bilsinlər.

Hesabatda qeyd olunur ki, bu yanaşma artan təhdidlər fonunda qəbul edilib və hakimiyyətin daxili və beynəlxalq mövqeyinin zəifləməsi qorxusunu əks etdirir.

Bu addımlar daha çox strateji hazırlıqdan çox, hakimiyyətin zirvəsində dərin narahatlığın göstəricisi kimi qiymətləndirilir. Güney Azərbaycan siyasi fəallarının fikrincə, ölkənin ən yüksək vəzifəli şəxsi aradan götürülmə və fövqəladə varislik ssenarisini müzakirə edirsə, bu, sistemin siyasi və təhlükəsizlik baxımından kövrəkliyini göstərir.

Hakimiyyətin məhdud bir çevrədə cəmləşməsi və şəffaf varislik mexanizminin olmaması İranı siyasi və hərbi sarsıntılara qarşı daha həssas edir. Xarici təzyiqlərin artması, daxili narazılıqlar və rəhbərliyin gələcəyi ilə bağlı qeyri-müəyyənlik Tehranda siyasi proseslərin həssas mərhələyə daxil olduğunu göstərir.

 

GünAzTV

R.G

Açar Sözlər :

SEÇİLMİŞ XƏBƏRLƏR

Çox oxunanlar