Contact Us

SON XƏBƏRLƏR

Daha bir neçə ölkə vətəndaşlarını İranda çıxmağa çağırdı

2026.02.28, 09:19
Daha bir neçə ölkə vətəndaşlarını İranda çıxmağa çağırdı

Böyük Britaniya hökuməti İrandakı diplomatik missiyalarının əməkdaşlarını geri çağırmaq barədə qərar qəbul edib.

Gunaz.tv

Bu barədə məlumat Britaniya hökumətinin saytında dərc olunub.

Məlumatda bildirilib ki, bu müvəqqəti ehtiyat tədbiridir və təhlükəsizlik məqsədilə qəbul edilib.

"Mövcud təhlükəsizlik vəziyyəti ilə əlaqədar biz preventiv tədbir gördük və britaniyalı əməkdaşları İrandan müvəqqəti geri çağırdıq", - qeyd olunub.

Bununla yanaşı İtaliya hökuməti də oxşar xəbərdarlıq edib.

Turist kimi İranda olan İtaliya vətəndaşlarına qətiyyətlə ölkəni tərk etmək tövsiyə olunub.

Bundan əlavə, İtaliya XİN vətəndaşlarına İraq və Livana da səfər etməyi tövsiyə etməyib.

Həmçinin, İran ətrafında davam edən gərginliklə əlaqədar olaraq Qazaxıstan Xarici İşlər Nazirliyi ölkə vətəndaşlarına vəziyyət sabitləşənə qədər İrana səyahət etməkdən çəkinməyi tövsiyə edib.

"Hazırda İranda olan Qazaxıstan vətəndaşlarına ölkəni mümkün qədər tez tərk etməyi, həmçinin maksimum təhlükəsizlik tədbirlərinə əməl etməyi, sayıq və ehtiyatlı olmağı, xəbərləri izləməyi və yerli hakimiyyət orqanlarının tövsiyələrinə ciddi şəkildə əməl etməyi tövsiyə edirik.

Qazaxıstan vətəndaşlarını mövcud vəziyyəti və onun ağırlaşma riskini nəzərə almağa və Yaxın Şərq ölkələrinə səfərlər planlaşdırarkən məsuliyyətli davranmağa çağırırıq", — deyə müraciətdə bildirilir.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar