Contact Us

SON XƏBƏRLƏR

Təcili | Fox News İranın nüvə obyektlərinin xəritəsini yayımladı; Güney Azərbaycan şəhərləri də hədəflər siyahısındadır

2026.02.28, 13:41
Təcili | Fox News İranın nüvə obyektlərinin xəritəsini yayımladı; Güney Azərbaycan şəhərləri də hədəflər siyahısındadır

Gunaz.tv

ABŞ-ın Fox News telekanalı bu gün canlı yayım zamanı “IRAN'S NUCLEAR FACILITIES” (İranın nüvə obyektləri) adlı xəritə yayımlayıb və ABŞ–İsrail birgə əməliyyatlarının məhz bu nöqtələr üzərində cəmləndiyini bildirib. Xəritə əvvəlcə canlı reportajda, daha sonra isə Şon Hannitinin analitik proqramında nümayiş etdirilib.

Qrafikin izahında aparıcılar vurğulayıblar ki, ABŞ və İsrailin əməliyyatları İranın nüvə və hərbi infrastrukturuna zərbə endirmək məqsədi daşıyır.

Xəritənin sağ tərəfində dörd kateqoriya göstərilib:

  • Nuclear Site → Nüvə obyekti

  • Uranium Mine → Uran mədəni

  • Research Reactor → Tədqiqat reaktoru

  • Military Site → Hərbi obyekt

Xəritədə qeyd olunan məntəqələr

Qrafikə əsasən, İranın şimalından cənubuna qədər bir sıra mərkəzlər potensial hədəf kimi göstərilib.

Şimal və Şimal-Qərb:

  • Binab (Şərqi Azərbaycan) – hərbi və nüvə tədqiqat obyekti

  • Ramsar (Mazandaran)

Mərkəz və Tehran ətrafı:

  • Tehran – bir neçə hərbi və nüvə obyekti

  • Fordo – yeraltı zənginləşdirmə obyekti

  • Pərçin – hərbi və tədqiqat obyekti

  • Ərak – ağır su reaktoru

Mərkəz və Cənub:

  • Natanz – ən böyük uran zənginləşdirmə mərkəzi

  • İsfahan – uranın çevrilmə mərkəzi

  • Sağənd (Yəzd)

Cənub:

  • Bușehr – nüvə elektrik stansiyası

  • Gəçin – uran mədəni

 

Hədəflərin prioriteti

Fox News kanalında yayımlanan təhlildə Natanz, Fordo və Pərçin “İranın nüvə proqramının ürəyi” kimi təqdim edilib və əsas hədəflər olduğu bildirilib.

Bușehr barədə qeyd olunub ki, reaktorun birbaşa vurulmadığı, səbəb kimi isə radiasiya riski və rusların iştirakı göstərilib. Lakin stansiyanın ətrafının hədəf alındığı iddia edilib. Ərak və İsfahanın da nüvə yanacaq dövriyyəsindəki roluna görə zərbə aldığı bildirilib.

Digər hissədə isə Sağənd, Yəzd və Gəçin kimi uran mədənlərinin təchizat zəncirini kəsmək məqsədilə hədəf siyahısına daxil edildiyi vurğulanıb.

Güney Azərbaycan da siyahıda

Yayımlanan xəritəyə əsasən, Güney Azərbaycan bölgəsində yerləşən bəzi məntəqələr, o cümlədən Binab və Ərak da göstərilən obyektlər sırasında yer alır.

Xəritənin ABŞ mediasında nümayişi son əməliyyatların İranın nüvə və hərbi infrastrukturuna birbaşa yönəldiyini göstərir.

 

GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar