Contact Us

SON XƏBƏRLƏR

Bir milyarder ABŞ-ın gizli diplomatiyasına daxil oldu

2026.03.28, 06:45
Bir milyarder ABŞ-ın gizli diplomatiyasına daxil oldu

Maskın Tramp–Modi telefon danışığında iştirakı suallar doğurdu.

Gunaz.tv

Gunaz TV-nin The New York Times və etibarlı Amerika mənbələrinə istinadən yaydığı xəbərə görə, İlon Mask ötən çərşənbə axşamı ABŞ prezidenti Donald Tramp ilə Hindistanın baş naziri Narendra Modi arasında baş tutan telefon danışığında iştirak edib. Danışığın əsas mövzusu Yaxın Şərqdə getdikcə dərinləşən böhran və İranın Hörmüz boğazını bağlaması olub.

Məlumata görə, Maskın bu səviyyədə diplomatik danışıqda iştirakı qeyri-adi və beynəlxalq münasibətlərdə qəbul olunmuş diplomatik qaydalardan kənar addım kimi qiymətləndirilir. Adının açıqlanmasını istəməyən iki amerikalı rəsmi Maskın danışıqda olduğunu təsdiqləyib, lakin onun bu söhbətə hansı səbəbdən qatıldığı və ümumiyyətlə danışıb-danışmadığı məlum deyil.

The New York Times həmçinin yazıb ki, Mask xəbərin yayımlandığı ana qədər şərh üçün göndərilən çoxsaylı müraciətlərə cavab verməyib. Ağ Ev də onun iştirak səbəbi və mümkün çıxışları barədə heç bir açıqlama verməyib.

Yayılan təfərrüatlara əsasən, telefon danışığı konkret olaraq “Yaxın Şərqdə dərinləşən böhran” və xüsusilə “İranın Hörmüz boğazı üzərində hərbi nəzarəti” üzərində cəmlənib. Dünyanın enerji daşımaları üçün həyati əhəmiyyət daşıyan bu keçid məntəqəsində dəniz hərəkətinin dayanması qlobal enerji qiymətlərinin kəskin artmasına və bəzi Asiya ölkələrində yanacaq qıtlığı narahatlığına səbəb olub.

Hesabat vurğulayır ki, iki ölkə lideri arasında müharibə böhranı fonunda qeyri-rəsmi bir şəxsin belə məxfi danışıqda iştirakı nadir və diqqətçəkən hadisədir.

Amerika mənbələri əlavə edib ki, ötən yay Maskın hökumətdən ayrılmasından sonra Tramp ilə münasibətlərində yaranmış gərginlik son aylarda müəyyən qədər yumşalıb, lakin onun bu danışıqdakı rolu barədə hələ də dəqiq məlumat açıqlanmayıb.

The New York Timesın hesabatı cümə günü yayımlanıb və dərhal Reuters də daxil olmaqla beynəlxalq mediada geniş əks-səda doğurub.

 

Gunaz TV
R.G


 

Açar Sözlər :

SEÇİLMİŞ XƏBƏRLƏR

Çox oxunanlar