Nyu-York meri Azərbaycan və Türkiyəyə ağır ittiham irəli sürdü

SON XƏBƏRLƏR

Nyu-York meri Azərbaycan və Türkiyəyə ağır ittiham irəli sürdü

2026.04.25, 23:40

Gunaz.tv

Gunaz TV-nin məlumatına görə, Zöhran Məmdani 1915-ci il hadisələri ilə bağlı paylaşımında Azərbaycan və Türkiyə-ni 2020-ci ildə Qarabağdakı erməni əhaliyə hücum etməkdə və onları bölgədən çıxarmaqda ittiham edib.

O, baş verənləri “100 il əvvəl başlamış soyqırımı kampaniyasının davamı” kimi qiymətləndirib; bu açıqlama isə Azərbaycanın Xarici İşlər Nazirliyinin sərt reaksiyasına səbəb olub.

Bu çərçivədə Ayxan Hacızadə “X” sosial şəbəkəsində Məmdanini “dezinformasiya yaymaqdan çəkinməyə” və xalqlar arasında barışığa daha çox töhfə verməyə çağırıb. O bildirib ki, bu cür açıqlamalar regionun tarixi və reallıqları barədə yetərsiz anlayışı və faktların siyasi məqsədlər üçün istifadə olunduğunu göstərir.

Bununla yanaşı, Donald Trump da məsələ ilə bağlı açıqlama verib. Məmdanidən fərqli olaraq, o, baş verənləri “soyqırım” kimi deyil, “böyük qırğın” kimi qiymətləndirib və ABŞ-ın Ermənistanla birlikdə Cənubi Qafqazda sülhə töhfə verdiyini qeyd edib.

Məmdani, hindistan mənşəli müsəlman ailədən olan siyasətçi kimi bu ilin yanvar ayında Nyu-York meri seçilib. Onun qələbəsi bir sıra ABŞ mediası tərəfindən 2024-cü il seçkilərində Respublikaçılara məğlub olan Demokrat Partiyasının geri dönüşü kimi dəyərləndirilib. Seçki dövründə Trampla kəskin polemikalar yaşansa da, sonradan tərəflər arasında Ağ Evdə daha sakit görüş baş tutub.

Qarabağla bağlı proseslər isə hələ də diqqət mərkəzindədir. 2020-ci ilin sentyabr-noyabr aylarında baş verən II Qarabağ müharibəsi nəticəsində Azərbaycan işğal altında olan ərazilərinin böyük hissəsini geri qaytarıb, 2023-cü ildə keçirilən qısa əməliyyatdan sonra isə bölgəyə tam nəzarəti bərpa edib.

Bu hadisələrdən sonra bölgədə yaşayan ermənilərin əhəmiyyətli hissəsi Ermənistana köç edib. Bəzi siyasətçilər bunu “etnik təmizləmə” kimi qiymətləndirsə də, Bakı bu iddiaları rədd edir və ermənilərin Qarabağa qayıtmasına maneə olmadığını, əsas şərtin Azərbaycanın hakimiyyətini qəbul etmək olduğunu bildirir. Bu məqsədlə proqram elan edilsə də, ondan istifadə edənlərin sayı hələ açıqlanmayıb.

GünAzTV
R.G

GUNAZ.TV

SON XƏBƏRLƏR