Atəşkəsdən sonra İranda etnik azlıqlar getdikcə daha çox hədəfə alınır- Obalı

SON XƏBƏRLƏR

Atəşkəsdən sonra İranda etnik azlıqlar getdikcə daha çox hədəfə alınır- Obalı

2026.04.30, 10:09

Atəşkəs qüvvəyə mindikdən sonra İran daxilində hər kəs əziyyət çəksə, döyüşlərin dayanması ilə repressiyaların daha da gücləndiyi müşahidə olunsa da, İranda yaşayan etnik azlıqlar bu təzyiqi daha çox hiss edib.

Gunaz.tv

Bu sözləri Güney Azərbaycan Televizyasının (GünazTV) Amerikada yaşayan rəhbəri, siyasi fəal və jurnalist Əhməd Obalı "Israel National News" nəşrinə müsahibəsində deyib.

"İran daxilindən gələn məlumatlara görə, ABŞ-ın atəşkəsi nə qədər davam etdirəcəyinə qərar verməyə çalışdığı bir vaxtda, İslam Respublikası “Kükrəyən Aslan/Epik qəzəb” əməliyyatlarına verilən fasilədən sonra insan haqları pozuntularını artırıb. Son üç həftə ərzində İran Xalq Mücahidləri Təşkilatının üzvü olduqları iddia edilən 8 nəfər, eləcə də 2026-cı ilin yanvar qiyamı zamanı həbs edilən 7 etirazçı edam edilib",- Obalı qeyd edib.

Gunaz TV-nin rəhbəri və tanınmış Güney azərbaycanlı dissident jurnalist Əhməd Obalı bildirib ki, atəşkəsdən sonra Güney azərbaycanlılar və başqa etnik qruplar da daxil olmaqla İranın etnik azlıqları daha çox hədəfə alınır.

Onun sözlərinə görə, atəşkəsdən sonra Şərqi Azərbaycan vilayətində 63 nəfər saxlanılıb.

"Bir ana 13 yaşlı qızı İran xaricinə şəkillər göndərdiyinə görə həbs edilib. Bu şəxslər sadəcə olaraq İran daxilindəki dağıntıların şəkillərini xaricdəki qohumlarına və ya dostlarına göndərdikləri üçün “dövlətə xəyanət” ittihamı ilə həbs ediliblər",- Obalı bildirib.

Həbs edilənlərin “düşmənlə əməkdaşlıq etməkdə’ ittiham olunduqlarını deyən Ə.Obalı, bunun səbəblərinə də toxunub:

"Çünki onların qohumları İran xaricindədir. Adətən onlar günahsız olduqlarını sübut edənə qədər günahkar sayılırlar və günahsız olduqlarını sübut etmək onlar üçün çox çətindir. Bu şəxslərin bir çoxunun günahsız halda ‘günah keçisi’ kimi edam ediləcəyi ehtimal olunur. Bununla da SEPAH-ın Kəşfiyyat İdarəsi vəziyyətə nəzarət etdiyini göstərmək istəyir.

Obalı, həbs olunanların adlarının açıqlanmadığını, buna görə də xarici dünyanın onların yaxınları ilə əlaqə saxlaya bilmədiklərinə diqqət çəkib:

"Yaxınlarının həbsindən danışanların özləri də həbs olunurlar. Beləliklə, rejim mümkün etirazların qarşısını almaq üçün cəmiyyət arasında qorxu yaratmağa çalışır”.

GünazTV-nin rəhbəri bildirib ki, "bununla belə, İran rejimi təkcə kütləvi həbslər və edamlarla kifayətlənmir, digər sahələrdə də mülki şəxslərə qarşı hücumlarını davam etdirir".

Müsahibəni oxumaq üçün: https://www.israelnationalnews.com/news/426062?utm_source=whatsapp&utm_medium=social&utm_campaign=share

GünazTV

GUNAZ.TV

SON XƏBƏRLƏR