Müctəba Xameneinin yoxluğu rejimi silkələyir

SON XƏBƏRLƏR

Müctəba Xameneinin yoxluğu rejimi silkələyir

2026.05.10, 16:01

“Wall Street Journal”: Müctəba Xameneinin uzunmüddətli yoxluğu rejim daxilində parçalanmanı dərinləşdirib.

Gunaz.tv

“Wall Street Journal”dan diqqətçəkən iddia: Rejim daxilində parçalanma dərinləşir. Süni intellektlə hazırlanmış görüntülər iddiası gündəmdədir! MüctəbaXameneinin taleyi ilə bağlı suallar artır. O, haradadır?

Gunaz TV-nin yaydığı məlumata görə, “Wall Street Journal” ABŞ və İran rəsmilərinə istinadən yazıb ki, Müctəba Xamenei həyat yoldaşı və Əli Xameneinin öldürüldüyü hava hücumunda ağır yaralandıqdan sonra iki aydan çoxdur ictimaiyyət qarşısına çıxmır.

Qəzetin bu gün yayımladığı xəbərdə bildirilir ki, İran rejimi müharibəni bitirmək üçün ABŞ-la razılaşma axtardığı bir vaxtda yeni liderin ictimaiyyətdən gizlənməsi və danışıqlarla bağlı susqunluğu hakimiyyət daxilində fikir ayrılıqlarını artırıb.

“Wall Street Journal” yazır ki, 28 Fevral 2026da (41 gün öncə) baş verən hava hücumundan sonra Xameneiyə aid olduğu deyilən yalnız bəzi mesajlar və görüntülər yayımlanıb. Qəzet həmin görüntülərin, o cümlədən “X” hesabındakı paylaşımlar və Tehrandakı reklam lövhələrinin süni intellekt vasitəsilə hazırlanmış və ya dəyişdirilmiş ola biləcəyini qeyd edib.

Məlumata görə, İran rəsmiləri bu müddət ərzində Müctəba Xameneinin yeni görüntüsünü və ya səs yazısını yayımlamayıb. Bu isə bəzi vətəndaşlar arasında onun sağ olub-olmaması ilə bağlı suallar yaradıb.

Hesabatda bildirilir ki, rejim daxilində əvvəllər müharibə dövründə qorunan birlik artıq zəifləməyə başlayıb və ABŞ-la mümkün razılaşmada veriləcək güzəştlərlə bağlı ciddi fikir ayrılıqları yaranıb.

Qəzet İran rəsmilərinə istinadən yazıb ki, Müctəba Xamenei “təhlükəsizlik narahatlıqları” səbəbindən ictimaiyyət qarşısına çıxmır. İsrailin atəşkəsdən əvvəl İranın bir sıra yüksəkvəzifəli rəsmilərini hədəf aldığı və onun da hələ İsrailin hədəf siyahısında olduğu bildirilib.

GünAzTV
R.G

GUNAZ.TV

SON XƏBƏRLƏR