Xark adasında neft anbarları daşmaq üzrədir

SON XƏBƏRLƏR

Xark adasında neft anbarları daşmaq üzrədir

2026.05.14, 20:20

Gunaz.tv

Gunaz TV-nin məlumatına görə, yeni peyk görüntüləri ABŞ-ın İrana qarşı davam edən dəniz mühasirəsi fonunda Xark adasındakı neft saxlama anbarlarının tam dolmaq üzrə olduğunu və İranın neft ixracının ciddi təzyiq altında qaldığını göstərir.

Bloomberg-in hesabatına əsasən, Avropa peyk görüntüləri 8, 9 və 11 may tarixlərində Xark adası yaxınlığında neft yüklənməsi və ya ixrac üçün heç bir tanker göstərməyib. “Sentinel-2” peykinin 11 may tarixli görüntüləri də Xarkdakı bütün terminalların gəmilərdən boş olduğunu təsdiqləyib.

İran aprelin ortalarından etibarən, tankerilərinin ABŞ hərbi dəniz qüvvələri tərəfindən saxlanılması və ya hücum riski ilə qarşılaşmasından sonra neft tankerilərini üzən anbar kimi istifadə etməyə başlayıb. Bu tankerilərin sayı ABŞ mühasirəsi başlamazdan əvvəlki 3 gəmidən, 11 maya qədər ən azı 18-ə yüksəlib.

Hesabatda bildirilir ki, Xarkdakı saxlama tutumu tam dolarsa, İran bəzi neft yataqlarında hasilatı azaltmağa məcbur olacaq. Bu isə Tehrana iqtisadi təzyiqi daha da artıracaq.

Qiymətləndirmələrə görə, İran yalnız may ayının sonuna qədər mövcud hasilat tempini davam etdirə bilər. ABŞ hökuməti isə iddia edir ki, İran limanlarına tətbiq olunan dəniz mühasirəsi ölkə iqtisadiyyatına gündəlik təxminən 500 milyon dollar zərər vurur.

GünAzTV
R.G

GUNAZ.TV

SON XƏBƏRLƏR