Contact Us

SON XƏBƏRLƏR

Makuda tarixi türk küçə adları bərpa edilib

2026.05.22, 13:32
Makuda tarixi türk küçə adları bərpa edilib

Maku Bələdiyyəsi şəhərin tarixi kimliyini gücləndirmək və mədəni keçmişini tanıtmaq məqsədilə təqdirəlayiq bir addım ataraq Maku şəhərinin köhnə məhəllələrində daş barelyeflər quraşdırıb və onların üzərində küçələrin tarixi türk adlarını yazıb.

Gunaz.tv

Beşgöz, Üst Xiyaban, Qala Qapısı, Buğda Meydanı, Qara Xıclıq, Qara Körpü, Şirbaşı, Tutluq Məhəlləsi kimi Maku şəhərinin tarixi məhəllə adları barelyeflər üzərində həkk olunub.

Son illərdə Güney Azərbaycanda türk əhali arasında milli şüurun və məlumatlılığın artması ilə vətəndaşlar bu adların dəyərini daha yaxşı anlayır və yerli qurumlara təzyiq göstərərək küçə və məhəllələrin türk adlarının bərpasını tələb edirlər.

Bundan əvvəl Zəncan vilayətinin Tarım (Tarım) rayonuna bağlı Çəmələ kəndində də kənd icması küçə adlarını bərpa etmək üçün türk adları olan lövhələr quraşdırmışdı.

Eyni zamanda Məlikkəndi rayonunun Qaraçal kənd şurası da təqdirəlayiq bir addım ataraq bütün küçə, məhəllə və dalanların adlarını türk adları və Azərbaycan görkəmli şəxsiyyətlərinin — Şəhriyar, Səttarxan, Bağırxan, Cəfər Bağçaban və digərlərinin adları ilə əvəz etmiş, fars şairlərinin tətbiq olunmuş adlarını ləğv etmişdi.

Bundan əlavə, bir müddət əvvəl Ərdəbilin Qurabazlı kənd icması da küçə və yolların lövhələrində tarixi türk adlarını istifadə etməklə təqdirəlayiq bir addım atmışdı.

2014-cü ildə isə Urmiya Bələdiyyəsi şəhərin bəzi küçə və məkanlarının türk adlarını bərpa etmiş və bu adların həkk olunduğu lövhələri şəhər boyunca yerləşdirmişdi.

 

Ş.A

Açar Sözlər :

SEÇİLMİŞ XƏBƏRLƏR

Çox oxunanlar