Müctəba Xameneinin səhhəti ilə bağlı yeni etiraf

SON XƏBƏRLƏR

Müctəba Xameneinin səhhəti ilə bağlı yeni etiraf

2026.06.07, 12:30

Müctəba Xameneinin hazırkı vəziyyəti necədir? Niyə hələ də onun görüntüsü yayımlanmır?

Gunaz.tv

Gunaz TV – Əhməd Xatəmi, Ekspertlər Məclisinin üzvü, ilk dəfə olaraq təsdiqləyib ki, Müctəba Xamenei İsrailin Əli Xameneinin iqamətgahına hücumu zamanı ağır yaralanıb və ayağındakı xəsarət o qədər ciddi olub ki, “ayağın amputasiya edilməsi ehtimalı da gündəmə gəlib.”

Xatəmi rəsmi toplantıların birində bildirib: “Ramazan müharibəsinin ilk günü baş verən hücum zamanı cənab Müctəba Xamenei ayaq nahiyəsindən xəsarət alıb; vəziyyət elə olub ki, ayağın kəsilməsi ehtimalı da irəli sürülüb.”

Bu açıqlama son aylarda İran rəsmilərinin Müctəba Xameneinin səhhəti ilə bağlı verdiyi ziddiyyətli məlumatlar fonunda səsləndirilib. Belə ki, bəzi rəsmilər daha əvvəl onunla bağlı “xüsusi bir hadisənin baş vermədiyini” iddia etmişdilər.

Müctəba Xameneinin İranın üçüncü rəhbəri kimi təqdim olunmasından təxminən üç ay keçməsinə baxmayaraq, bu günədək onun yeni görüntüsü, videosu və ya səs yazısı yayımlanmayıb. Bu vəziyyət onun sağlamlıq durumu ilə bağlı ehtimalları daha da artırıb.

Bundan əvvəl New York Times, Reuters və CNN də daxil olmaqla bir sıra beynəlxalq media qurumları Müctəba Xameneinin İsrail hücumundan sonra hələ də tibbi müalicə aldığını və bədəninin müxtəlif nahiyələrindən, o cümlədən ayaq, üz və yuxarı bədən hissəsindən ciddi xəsarətlər aldığını yazmışdı.

GünAzTV
R.G

GUNAZ.TV

SON XƏBƏRLƏR