İranda Hakimiyyət tərəfdarları ABŞ ilə danışıqlara qarşı çıxdılar

SON XƏBƏRLƏR

İranda Hakimiyyət tərəfdarları ABŞ ilə danışıqlara qarşı çıxdılar

2026.06.13, 23:30

İran daxilindəki fikir ayrılığı küçələrə çıxıb.

Gunaz.tv

Gunaz TV-nin məlumatına görə, İran ilə ABŞ arasında mümkün razılaşma ilə bağlı müzakirələrin davam etdiyi bir vaxtda, hakimiyyət tərəfdarı olan bir qrup şəxs şənbə axşamı Tehran və Məşhəddə toplaşaraq İranın bəzi yüksəkvəzifəli rəsmilərinə qarşı şüarlar səsləndirib.

Tehranın İbn Sina meydanında keçirilən aksiyada etirazçılar “Əraqçi, həya et, ölkəni burax get” və “Qalibaf, Əraqçi / Bəs rəhbərimin qanı nə oldu?” kimi şüarlar səsləndirərək danışıqlar prosesinə və ABŞ ilə mümkün razılaşmaya etirazlarını bildiriblər.

İslahatçılara yaxın bəzi media qurumları etirazçıları Paydari Cəbhəsinə yaxın şəxslər kimi təqdim ediblər. Eyni zamanda Məşhəddə keçirilən etiraz aksiyasından yayılan görüntülərdə ABŞ ilə mümkün razılaşmaya və danışıqlar heyətinə qarşı plakatlar da diqqət çəkib.

Bu etirazlar, Müctəba Xameneiyə bağlı media qurumunun ona aid olduğu bildirilən bir mesajı yayaraq “milli birlik” və siyasi ixtilaflardan uzaq durmağın vacibliyini vurğuladığı bir vaxtda baş verib.

GünAzTV
R.G

GUNAZ.TV

SON XƏBƏRLƏR