Ədən yaxınlığında silahlı hücum: gəmi hədəf alındı

SON XƏBƏRLƏR

Ədən yaxınlığında silahlı hücum: gəmi hədəf alındı

2026.06.17, 21:30

Yəmən yaxınlığında bir ticarət gəmisinə silahlı hücum edilib, lakin hücum uğursuz olub.

Gunaz.tv

Gunaz TV-nin məlumatına görə, Britaniya Dəniz Ticarət Əməliyyatları Təşkilatı bildirib ki, Yəmənin Ədən limanının şimal-şərqində, təxminən 105 dəniz mili məsafədə bir ticarət gəmisi silahlı hücuma məruz qalıb.

Bildirilib ki, iki sürətli qayıqla hərəkət edən silahlı şəxslər gəmiyə yaxınlaşaraq atəş açıblar.

Gəmidə yerləşdirilən təhlükəsizlik qrupu dərhal cavab verib və tərəflər arasında qısa müddətli atışma baş verib.

Təhlükəsizlik qüvvələrinin müdaxiləsindən sonra hücum edənlər geri çəkilərək ərazini tərk ediblər.

Hadisə nəticəsində gəmi heyətinə zərər dəyməyib və bütün ekipaj üzvlərinin vəziyyətinin yaxşı olduğu bildirilib.

Hücumun kim tərəfindən təşkil edildiyi və motivi barədə hələlik rəsmi məlumat verilməyib.

GünAzTV
R.G

GUNAZ.TV

SON XƏBƏRLƏR