ABŞ-ın İrana sərmayəsi? 300 milyard dollar İrana gedəcək?

SON XƏBƏRLƏR

ABŞ-ın İrana sərmayəsi? 300 milyard dollar İrana gedəcək?

2026.06.18, 19:30

ABŞ vitse-prezidenti deyir ki, İranda genişmiqyaslı investisiyalar barədə danışmaq üçün hələ tezdir.

Gunaz.tv

Gunaz.tv-nin məlumatına görə, ABŞ vitse-prezidenti Cey Di Vens bildirib ki, İranda yaradılması nəzərdə tutulan 300 milyard dollarlıq investisiya fondu barədə danışmaq hələ tezdir və hər hansı geniş sərmayə qoyuluşu İranın davranışını dəyişməsindən və öhdəliklərini tam yerinə yetirməsindən asılı olacaq.

Vens deyib ki, sanksiyalar ləğv edilər və İran razılaşmaya əməl edərsə, xüsusilə Fars körfəzi ölkələrindəki bəzi dövlət və özəl investorlar İrana sərmayə yatırmaqda maraqlı ola bilərlər. Bununla yanaşı, o vurğulayıb ki, ABŞ bu fonda heç bir maliyyə vəsaiti ayırmayacaq.

ABŞ vitse-prezidenti İranın raket proqramına da toxunaraq bildirib ki, Vaşinqton son müharibə zamanı İranın ballistik raketlərinin və raket buraxılış qurğularının əhəmiyyətli hissəsini məhv edib.

O əlavə edib ki, ABŞ İranın adi müdafiə imkanlarına malik olmasına qarşı deyil, lakin Tehran genişmiqyaslı təhlükə yarada biləcək raketlərin hazırlanmasından çəkinməlidir.

Vens sonda vurğulayıb ki, Vaşinqton İranın bölgədəki proksi qruplara dəstəyini dayandırmasını, regionda sabitliyi pozan fəaliyyətlərinə son verməsini və nüvə silahı proqramını yenidən bərpa etməməsini istəyir.

GünAzTV
R.G

GUNAZ.TV

SON XƏBƏRLƏR