Contact Us

SON XƏBƏRLƏR

Sərt xətt tərəfdarları rejimyönlü küçə toplantıları ilə bağlı hökumət hesabatını tənqid edib

2026.06.22, 09:40
Sərt xətt tərəfdarları rejimyönlü küçə toplantıları ilə bağlı hökumət hesabatını tənqid edib

İranda sərt xətt tərəfdarları Prezident Administrasiyasının Strateji Məsələlər Ofisinin (SAO) hazırladığı və uzunmüddətli gecə toplantılarının diplomatiyaya mane ola biləcəyi barədə xəbərdarlıq edən hesabatı kəskin tənqid ediblər.

Gunaz.tv

“İranı qorumaq üçün küçə hərəkatı” mövzusunda keçirilən konfransdan sonra hazırlanan hesabatda qeyd olunub ki, müharibə dövründə formalaşmış gecə toplantılarının davam etməsi strateji qərarların qəbuluna maneə yarada və diplomatik səyləri çətinləşdirə bilər. Hesabatda toplantıların Məhərrəm ayının ilk on günündən və ya iyulun 4-5-də keçirilməsi planlaşdırılan keçmiş ali lider Əli Xameneinin dəfn mərasimindən sonra mərhələli şəkildə dayandırılması tövsiyə olunub.

Əvvəlcə Xameneinin xatirəsinə həsr olunan matəm mərasimləri kimi başlayan və sonradan təşkilatlanmış siyasi tədbirlərə çevrilən toplantılar müharibə zamanı milli birlik nümayişi kimi hökumət rəsmiləri tərəfindən təşviq olunmuşdu. Lakin məlumatlara görə, şüarların daha radikal xarakter alması ilə iştirakçıların sayı azalmağa başlayıb.

Sərt xətt tərəfdarı media orqanları və siyasətçilər hesabatı pisləyərək bildiriblər ki, ali lider bu toplantıları dəfələrlə təqdir və ictimai şüarların danışıqlar prosesinə təsir etdiyini vurğulayıb. Parlamentin Milli Təhlükəsizlik və Xarici Siyasət Komitəsinin üzvü Əli Xəzriyan SAO-nu xalqı diplomatiyaya maneə kimi təqdim etməkdə ittiham edib.

Sərt xətt tərəfdarı qruplar son dövrlərdə bu tədbirlərdən atəşkəs şərtləri və ABŞ-la danışıqlar kimi mövzuları müzakirə etmək üçün istifadə edir, bəzi toplantılarda isə baş danışıqçı və parlament sədri Məhəmməd Baqir Qalibafa qarşı şüarlar səsləndirilir.

SEPAH-a bağlı Fars Xəbər Agentliyi üzərində “Küçələri necə boşaltmaq barədə düşünməkdənsə, hökumət insanların boş süfrələrini düşünsün” sözləri yazılmış plakat tutan bir iştirakçının fotosunu yayımlayıb.

Hesabata qarşı sərt xətt tərəfdarlarının etirazları rejim daxili qüvvələr arasında gərginliyin artdığını göstərir.

 

C

Açar Sözlər :

SEÇİLMİŞ XƏBƏRLƏR

Çox oxunanlar