Çin İran neftinin yeganə alıcısı olaraq qaldı

SON XƏBƏRLƏR

Çin İran neftinin yeganə alıcısı olaraq qaldı

2026.06.30, 19:29

ABŞ: Sanksiyalar ləğv edildikdən sonra İran neftini yalnız Çin alıb.

Gunaz.tv

GunAz TV-nin məlumatına görə, ABŞ-ın maliyyə naziri bildirib ki, Vaşinqton tərəfindən İran neftinə tətbiq edilən sanksiyaların ləğv olunmasına baxmayaraq, indiyədək Çindən başqa heç bir ölkə İran nefti almayıb.

Skott Bessent Fox News telekanalına müsahibəsində deyib: “Çindən başqa, hansı ki, hətta İran nefti sanksiyalar altında olduğu vaxt da onu alırdı, heç kim İran neftini almayıb.”

O əlavə edib ki, İran nefti hələ də endirimlə Çinə satılır və digər alıcılar sanksiyaların yenidən bərpa olunacağı və ABŞ Maliyyə Nazirliyi tərəfindən problemlə üzləşəcəkləri narahatlığı səbəbindən İran neftinin alınmasına başlamayıblar.

Bessent vurğulayıb ki, bu vəziyyət İran üçün ABŞ-la danışıqları qəbul etməyə səbəb ola bilər.

ABŞ Maliyyə Nazirliyi İran və ABŞ arasında anlaşma memorandumunun imzalanmasından sonra İranın xam neft və neft məhsullarının satışı üçün iki aylıq icazə verib.

GünAzTV
R.G

GUNAZ.TV

SON XƏBƏRLƏR