Contact Us

SON XƏBƏRLƏR

Sərt xətt tərəfdarı deputat: İranda ali rəhbərə qarşı “siyasi çevriliş” həyata keçirilir

2026.07.02, 09:50
Sərt xətt tərəfdarı deputat: İranda ali rəhbərə qarşı “siyasi çevriliş” həyata keçirilir

İran parlamentinin sərt xətt tərəfdarı deputatı Kamran Qəzənfəri ölkənin ali rəhbərinə qarşı “siyasi çevriliş” həyata keçirildiyini iddia edib.

Gunaz.tv

O bildirib ki, küçə mərasimlərinin miqyasını azaltmaq və ali rəhbərə bağlı qurumların təsirini zəiflətmək istiqamətində addımlar atılır.

Qəzənfəri çərşənbə günü X platformasında yayımladığı videoda deyib: “Pezeşkian və onun ətrafındakılar Ali Milli Təhlükəsizlik Şurasını gücləndirir, ali rəhbərin və parlamentin rolunu isə azaldırlar. Onlar sistemin rəhbərliyini kənarlaşdırmaq üçün plan hazırlayıblar. Məqsədləri Ali Milli Təhlükəsizlik Şurasını yeganə qərarverici orqana çevirməkdir. Bu, addım-addım həyata keçirilən siyasi çevrilişdir. Xalq bu sui-qəsdi zərərsizləşdirmək üçün səfərbər qalmalıdır.”

Qəzənfəri həmçinin iddia edib ki, gecə keçirilən ictimai dini mərasimlərdə mərsiyəxanların və çıxışçıların iştirakdan imtina etməsi üçün böyük məbləğdə vəsait xərclənir.

“Bəsic təşkilatına bu mərasimləri dəstəkləməmək barədə məktub göndərilib. Parlament də faktiki olaraq dörd aydır bağlanıb ki, deputatlar sistem rəhbərliyinə qarşı həyata keçirilən bu siyasi çevrilişə etiraz edə bilməsinlər”, – deyə o əlavə edib.

 

C

Açar Sözlər :

SEÇİLMİŞ XƏBƏRLƏR

Çox oxunanlar