İranda sərt xətt tərəfdarları hökuməti Hörmüz boğazı ilə bağlı güzəştdə ittiham edirlər

SON XƏBƏRLƏR

İranda sərt xətt tərəfdarları hökuməti Hörmüz boğazı ilə bağlı güzəştdə ittiham edirlər

2026.07.04, 10:19

İranda sərt xətt tərəfdarları ölkənin danışıqlar heyətini Hörmüz boğazı üzərində Tehranın səlahiyyətlərindən güzəştə getməkdə ittiham ediblər.

Gunaz.tv

Onların iddiasına görə, İran və ABŞ arasında əldə olunan son anlaşma beynəlxalq gəmiçiliyi ABŞ-ın dəstəklədiyi və Oman üzərindən keçən marşruta yönəldib.

İran–ABŞ anlaşmasının əleyhdarları razılaşmanın əsas danışıqçısı kimi təqdim olunan parlament sədri Məhəmməd Baqir Qalibaf və prezident Məsud Pezeşkian əleyhinə geniş kampaniyaya başlayıblar. Onlar hər iki rəsmini Hörmüz boğazı üzərində İranın səlahiyyətlərindən imtina etməkdə və bununla da Oman–ABŞ gəmiçilik dəhlizinin yaradılmasına şərait yaratmaqda ittiham edirlər.

Tənqidlər çərşənbə axşamı Qalibafın televiziya müsahibəsindən sonra daha da güclənib. Həmin müsahibədə o, sərt xətt tərəfdarlarının strateji əhəmiyyət daşıyan Hörmüz boğazının bağlanması ilə bağlı çağırışlarını dəstəkləmədiyini göstərən açıqlamalar verib.

“Biz boğazı öz əleyhinə çevirməməliyik. Hörmüz boğazı yalnız ondan keçən gəmi hərəkəti hər gün artdığı halda dəyərlidir, azalanda yox”, – deyə Qalibaf bildirib.

Onun bu sözləri mühafizəkar tənqidçilər tərəfindən Tehranın Hörmüz boğazında gəmi hərəkətinin tənzimlənməsi ilə bağlı Vaşinqtonun üstünlük verdiyi mexanizmləri qəbul etdiyinə işarə kimi qiymətləndirilib.

GUNAZ.TV

SON XƏBƏRLƏR