Bağdad Qaanini arzuolunmaz şəxs elan etdi

SON XƏBƏRLƏR

Bağdad Qaanini arzuolunmaz şəxs elan etdi

2026.07.07, 10:36

İraq hökuməti İran İslam İnqilabı Keşikçiləri Korpusunun (SEPAH) Qüds Qüvvələrinin komandanı İsmayıl Qaanini “persona non qrata” (arzuolunmaz şəxs) elan edib.

Gunaz.tv

Bu barədə Fransa və İraq mediası, o cümlədən Fransanın "Monte Karlo" radiosu məlumat yayıb.

Məlumata görə, qərar İran Xarici İşlər Nazirliyinə çatdırılıb.

“Bundan sonra İran rəsmilərinin İraqdakı “Həşd əş-Şabi” və digər silahlı qruplaşmalarla görüş keçirməsi də qadağan olunub. Bu addımlar İraqın Baş naziri Məhəmməd Əli əl-Zeydinin ABŞ-a planlaşdırılan səfəri ərəfəsində atılıb. Bağdad Vaşinqtonla genişmiqyaslı hərbi və iqtisadi sazişlər imzalamağı nəzərdən keçirir”, - məlumatda qeyd edilib.

Məlumatlara görə, İraq hökuməti İranın təsirini azaltmaq istiqamətində hərəkət edir və Qaaninin arzuolunmaz şəxs elan edilməsi də bununla bağlıdır.

Bağdadın yeni hakimiyyəti Tehrandan göndərilən nümayəndə heyətlərinə müdaxilə etməyən İraqın əvvəlki hökumətlərindən fərqli olaraq diplomatik münasibətləri tənzimləməyə və nəzarət etməyə çalışır.

Bu qəbildən olan addımlardan biri də, İraq hökumətinin İranın keçmiş rəhbəri Əli Xameneinin bu ölkənin bir neçə şəhərində keçirilməsi planlaşdırılan vida mərasimlərinə məhdudiyyətlər tətbiq etməsidir.

GünazTV

GUNAZ.TV

SON XƏBƏRLƏR