Contact Us

SON XƏBƏRLƏR

The Jerusalem Post: İsrailin "erməni soyqırımı"nı tanıması Azərbaycanla münasibətlərə mənfi təsir göstərə bilər

2026.07.08, 16:00
The Jerusalem Post: İsrailin "erməni soyqırımı"nı tanıması Azərbaycanla münasibətlərə mənfi təsir göstərə bilər

İsrailin [qondarma] erməni soyqırımını tanıması Türkiyədən başqa diplomatik nəticələr də doğura bilər.

Gunaz.tv

Bu barədə "The Jerusalem Post" nəşrində yayımlanan şərh yazısında qeyd edilib.

Məqalədə qeyd edilib ki, İsrailin "erməni soyqırımı"nı tanımaq qərarı, xüsusilə də İsrailin ən yaxın strateji tərəfdaşlarından biri olan Azərbaycanla münasibətlər baxımından ciddi diplomatik nəticələrə səbəb ola bilər.

Məqalə müəllifi hesab edir ki, bu addım İsrail üçün nəzərəçarpacaq strateji üstünlük yaratmır, əvəzində isə Türkiyə və Azərbaycanla münasibətlərə zərər vurmaq riski daşıyır. Azərbaycan uzun illər İsrail və Türkiyə arasında vasitəçi rolunu oynayıb, regiondakı təzyiqlərə baxmayaraq İsraillə strateji əməkdaşlığını qoruyub saxlayıb və 7 oktyabr hadisələrindən sonra da Türkiyə ərazisi vasitəsilə İsrailə enerji tədarükünü davam etdirib.

Müəllifin fikrincə, Azərbaycan qondarma soyqırımının tanınmasına qarşı çıxır, çünki mürəkkəb tarixi məsələlərin siyasi alətə çevrilməsinin əleyhinədir və hesab edir ki, belə bir addım Azərbaycan-Ermənistan arasında davam edən sülh prosesi, eləcə də Ermənistan-Türkiyə münasibətlərinin normallaşdırılması istiqamətində aparılan səyləri çətinləşdirə bilər.

Məqalədə vurğulanır ki, "əsl tərəfdaşlıq öz-özünə mövcud olmur" və uzunmüddətli müttəfiqlik təkcə ortaq maraqlara deyil, həm də qarşılıqlı etimada əsaslanır. Müəllif bu kontekstdə "dostları adi hal kimi qəbul etmək olmaz" fikrini önə çəkir.

Rəy məqaləsinin sonunda qeyd olunur ki, seçkilər və siyasi kampaniyalar müvəqqətidir, lakin strateji müttəfiqliklər uzunmüddətli xarakter daşıyır və bəzən tək bir siyasi qərar onların gələcəyinə təsir göstərə bilər.

Müəllif müttəfiqlilklərin təkcə qarşılıqlı faydalılıq, ticarət və ya silah alış-verişinə əsaslana bilməyəcəyini qeyd edir və bildirir ki, müttəfiqliklərin uzunmüddətli olması üçün vacib amillərdən biri həm də qarşılıqlı etimadın olmasıdır.

Məqaləni buradan oxuya bilərsiniz: https://www.jpost.com/opinion/article-901693

 

C

Açar Sözlər :

SEÇİLMİŞ XƏBƏRLƏR

Çox oxunanlar