İranın cənubunda gecə boyu ardıcıl partlayışlar baş verib

SON XƏBƏRLƏR

İranın cənubunda gecə boyu ardıcıl partlayışlar baş verib

2026.07.12, 08:39

Bazar günü sübh saatlarında İranın bir sıra cənub şəhərlərində ardıcıl partlayış səsləri eşidilib.

Gunaz.tv

Gunaz TV-nin məlumatına görə, bazar günü, 12 iyul tarixində İranın cənubunda yerləşən bir neçə şəhərdə ardıcıl partlayışlar baş verib. İran mediası və ölkədaxili xəbər kanalları Buşehr, Əsəluyə, Bəndər Deyr, Kəngan, Bəndər Abbas, Qeşm, Cask, Sirik, Kənarak, Çabahar, Abadan, Hindican və Mahşəhrdə partlayış səslərinin eşidildiyini bildirib.

Yayılan məlumatlara əsasən, bəzi sakinlər binaların silkələndiyini, səmada tüstü və qırmızı işıq müşahidə etdiklərini, partlayışların isə bir neçə mərhələdə təkrarlandığını bildiriblər. Həmçinin Bəndər Deyr limanındakı dəniz iskələsinin və digər bəzi obyektlərin hədəfə alındığı barədə təsdiqlənməmiş məlumatlar yayılıb.

İndiyədək yerli rəsmilər partlayışların səbəbi, ehtimal olunan hədəflər, eləcə də dağıntı və itkilərlə bağlı ətraflı məlumat verməyiblər. Buşehr vilayətinin təhlükəsizlik üzrə rəsmisi isə hadisələr nəticəsində indiyədək hər hansı itki barədə məlumat daxil olmadığını açıqlayıb.

Eyni zamanda Xuzistan vilayətinin bəzi şəhərlərində də partlayışlarla bağlı ziddiyyətli məlumatlar yayılıb. Hökumətə bağlı bəzi media qurumları partlayışların baş verdiyini və hava hücumundan müdafiə sistemlərinin işə salındığını yazsa da, vilayət rəsmiləri bu xəbərlərin bir hissəsini təkzib ediblər.

Gunaz TV
R.G

GUNAZ.TV

SON XƏBƏRLƏR