Təbrizin “Azərturan” nəşriyyatının direktoru: İranda türk dilində kitablar illərdir dəstəksiz qalıb (Video)

SON XƏBƏRLƏR

Təbrizin “Azərturan” nəşriyyatının direktoru: İranda türk dilində kitablar illərdir dəstəksiz qalıb (Video)

2026.07.12, 19:29

“Azərturan” nəşriyyatının direktoru İranda türk dilində nəşr olunan kitabların uzun illərdir lazımi dəstəkdən məhrum olduğunu bildirib.

Gunaz.tv

Gunaz TV-nin məlumatına görə, Təbrizdə fəaliyyət göstərən “Azərturan” nəşriyyatının direktoru Nurullah Purşərif İranda türk dilində kitab nəşrinin üzləşdiyi problemlərdən danışaraq bildirib ki, “İranda türk dilində kitablar illərdir lazımi dəstək almır və indiyədək heç bir dövlət və ya özəl qurum bu əsərlərə lazımi şəkildə sahib çıxmayıb.”

Nurullah Purşərif “Azərəncümən”ə müsahibəsində deyib: “Keçmişdə bəzi dövlət qurumları nəşr etdiyimiz kitabların bir hissəsini alırdı. Xüsusilə Mədəniyyət və İslami İrşad Baş İdarəsi ‘Yeni kitablar’ layihəsi çərçivəsində bəzi kitablarımızı alaraq ictimai kitabxanalara göndərirdi. Təəssüf ki, bu dəstək artıq dayandırılıb. Hətta bəzi hallarda İrşad İdarəsi nəşriyyata dəstək vermək əvəzinə bizdən bir neçə nüsxə kitabı pulsuz tələb edir. Biz buna dəfələrlə etiraz etmişik.”

O əlavə edib: “Əvvəllər Astan Qüds Rəzəvi kimi qurumlar da yeni nəşr olunan kitablarımızdan iki nüsxə, eləcə də məhdud sayda türk dilində kitab alırdı. İndi isə türk dilində kitabların alınmasını tamamilə dayandırıblar və yalnız fars dilində nəşr etdiyimiz kitabları alırlar.”

“Azərturan” nəşriyyatının direktoru bildirib: “Ölkənin kitabxanalarını təmin etməyə cavabdeh olan dövlət kitablarımızdan kitabxanalar üçün bir nüsxə belə almır. Həmçinin Təbriz Bələdiyyəsi də mədəniyyət büdcəsinə malik olmasına baxmayaraq, indiyədək nəşriyyatımızın heç bir kitabını, hətta Təbriz və Təbriz Bələdiyyəsi haqqında olan kitabları belə almayıb.”

GUNAZ.TV

SON XƏBƏRLƏR