Türkiyə İranı parçalanmaqdan xilas etdi

SON XƏBƏRLƏR

Türkiyə İranı parçalanmaqdan xilas etdi - Araqçı

2026.07.20, 10:36

Türkiyə 40 günlük müharibə zamanı İranı bölmək planının həyata keçirilməsinin qarşısını aldı.

Gunaz.tv

Bunu İran xarici işlər naziri Abbas Arakçı deyib.

O, Türkiyənin Şimali İraqdan kürd silahlı qruplarının İrana daxil olmasının qarşısını almaqda fəal rol oynadığını və İranın bölünməsi üçün ssenarilərin formalaşmasına mane olduğunu bildirib.

"Müharibənin dördüncü günündə Donald Tramp Şimali İraqda İrana qarşı çıxan kürd silahlı qruplaşmalarının liderləri ilə əlaqə saxlayaraq onların İrana qurudan girməsini dəstəklədi",- nazir əlavə edib.

Araqçı bildirib ki, bundan xəbər tutduqdan sonra İraq Kürdüstan Regionunun rəsmiləri, İraq Baş naziri və Türkiyənin xarici işlər naziri Hakan Fidanla əlaqə saxlayıb və Tehranın narahatlıqlarını çatdırıb.

İran xarici işlər nazirinin sözlərinə görə, Türkiyə hökuməti bu hərəkətin qarşısını almaqda təsirli rol oynayıb və ABŞ ilə məsləhətləşmələrlə yanaşı, bu plana qarşı sərt mövqe nümayiş etdirib.

Qeyd edək ki, bundan əvvəl İsrail hərbi kəşfiyyatının keçmiş rəhbəri Tamir Hayman iddia edib ki, bu plan haqqında məlumat əldə etdikdən sonra Rəcəb Tayyib Ərdoğan Donald Trampa telefon danışığında silahlı kürd qrupları İrana girərsə, Türkiyənin onlarla mübarizə aparmaq üçün tədbir görəcəyi barədə xəbərdarlıq edib və bu məsləhətləşmələr nəticəsində ABŞ bu planı həyata keçirməkdən imtina edib.

Həmin dövr isə Məsud Pezeşkian hökumətinə müxalifətdə olan sərt xət tərəfdarları və onlara bağlı media orqanları "Türkiyə və Azəraycanın İranın parçalanmasını gözlədikləri" barədə iddialar irəli sürmüşdülər.

GünAzTV

GUNAZ.TV

SON XƏBƏRLƏR