Contact Us

SON XƏBƏRLƏR

Qırmızı dənizdə nə baş verir? Neft 100 dollara yaxınlaşdı

2026.07.23, 21:10
Qırmızı dənizdə nə baş verir? Neft 100 dollara yaxınlaşdı

Gunaz.tv

Gunaz TV-nin məlumatına görə, Qırmızı dənizdə iki Səudiyyə Ərəbistanına məxsus neft tankerinə hücum barədə yayılan məlumatlardan sonra dünya bazarında neftin bahalaşması davam edib və bir barel neftin qiyməti 100 dollara yaxınlaşıb.

Şimal dənizi Brent markalı neftin qiyməti cümə axşamı,  Avropa bazarlarında keçirilən ticarətdə təxminən 5 faiz artaraq bir barel üçün 98,5 dolları ötüb.

ABŞ-ın West Texas Intermediate (WTI) markalı neftinin qiyməti də bir barel üçün 90 dolları keçib. Bu göstəricilər son altı həftənin ən yüksək qiymətləri hesab olunur və dünya maliyyə bazarlarında enerji təchizatında daha ciddi fasilələrin yarana biləcəyi ilə bağlı narahatlığın artdığını göstərir.

ABŞ-ın İrana qarşı yeni hücum mərhələsinin İslamabad memorandumunun imzalanmasından sonra başlamasından etibarən dünya neftinin qiyməti 25 faizdən çox artıb. Bu isə gərginliyin davam etməsi və onun qlobal enerji bazarına mümkün təsirləri ilə bağlı narahatlıqları daha da gücləndirib.

 

GunAz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar