Tramp: İstədiyimiz nəticəni almasaq, İrana qarşı genişmiqyaslı müharibə qaçılmaz olacaq

SON XƏBƏRLƏR

Tramp: İstədiyimiz nəticəni almasaq, İrana qarşı genişmiqyaslı müharibə qaçılmaz olacaq

2026.07.26, 12:43

Gunaz.tv

Gunaz TV-nin məlumatına görə, ABŞ Prezidenti Donald Tramp bəyan edib ki, Vaşinqton İranla aparılan danışıqlarda istədiyi nəticəni əldə etməsə, İrana qarşı genişmiqyaslı hərbi əməliyyatlar yenidən başlayacaq.

Fransanın LCI telekanalının müxbiri X sosial şəbəkəsində yazıb ki, Trampla telefon danışığında ona ABŞ-ın İrana qarşı genişmiqyaslı müharibəni bərpa etməyi nəzərdən keçirib-keçirmədiyini soruşub.

ABŞ Prezidenti bu suala cavabında bildirib: “Əgər istədiyimizin yüz faizini əldə etməsək, mütləq.”

Eyni zamanda Axios saytı iki məlumatlı mənbəyə istinadən yazıb ki, Donald Tramp cümə günü ABŞ ordusuna İrana qarşı yeni hücumlar həyata keçirməməyi tapşırıb və bununla təxminən iki həftə davam edən gecə əməliyyatları dayandırılıb.

Məlumatda qeyd olunur ki, bu qərarın müvəqqəti olub-olmadığı hələlik məlum deyil. Mənbələrin sözlərinə görə, ABŞ ordusu genişmiqyaslı hərbi əməliyyatların yenidən başlanması ehtimalı üçün planlar hazırlamaqda davam edir, lakin Tramp indiyədək bununla bağlı yeni göstəriş verməyib.

Donald Tramp cümə axşamı Ağ Evdə jurnalistlərə açıqlamasında da bildirib ki, o, hələlik İrana qarşı “daha ağır hücumlar” əmri verməyib və İran tərəfinin danışıqlarda “daha ciddi mövqe nümayiş etdirməsini” gözləyir.

GunAz TV
R.G

GUNAZ.TV

SON XƏBƏRLƏR