Contact Us

SON XƏBƏRLƏR

CENTCOM: İranın dəniz blokadası davam edir

2026.07.26, 12:57
CENTCOM: İranın dəniz blokadası davam edir

İrana gedən marşrutlar ABŞ nəzarətindədir; ABŞ 12 ticarət gəmisinin istiqamətini dəyişdi. İrana gedən iki gəmi dayandırıldı.

Gunaz.tv

Gunaz TV-nin məlumatına görə, ABŞ Mərkəzi Komandanlığı (CENTCOM) bazar günü yayımladığı bəyanatda İrana qarşı tətbiq edilən dəniz blokadasının tam şəkildə qüvvədə qaldığını açıqlayıb.

Bəyanata əsasən, ABŞ qüvvələri indiyədək blokadanı keçməyə çalışan 12 ticarət gəmisinin marşrutunu dəyişdirib.

CENTCOM bildirib ki, verilən göstərişlərə əməl etməyən iki gəmi dayandırılıb, blokadanın tam icrasını təmin etmək məqsədilə isə daha iki gəmiyə baxış keçirilib.

Açıqlamada qeyd olunur ki, ABŞ qüvvələri şənbə günü Ərəb dənizində Komor adaları bayrağı altında üzən “Charminar” neft tankerinə baxış keçirib. Yoxlama başa çatdıqdan sonra tanker səfərini davam etdirib.

Bəyanatda həmçinin bildirilir ki, ötən cümə günü ABŞ qüvvələri Oman dənizində Mozambik bayrağı altında üzən “Lavin” neft tankerini dayandırıb. CENTCOM-un məlumatına görə, bu addım gəmi heyətinin blokadanı dəfələrlə pozmağa cəhd göstərməsi və edilən xəbərdarlıqlara məhəl qoymamasından sonra atılıb.

CENTCOM vurğulayıb ki, “Lavin” tankeri artıq İran istiqamətində hərəkət etmir və ABŞ qüvvələri bölgədə tam döyüş hazırlığı vəziyyətini qoruyur.

 

GunAz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar