İslam dünyasından İrana sərt bəyanat

SON XƏBƏRLƏR

İslam dünyasından İrana sərt bəyanat

2026.08.02, 13:33

Səudiyyə Ərəbistanında yerləşən İslam Dünyası Həmrəyliyi Təşkilatı İranın İordaniya, Küveyt və Misirə qarşı hücumlarını kəskin şəkildə pisləyib.

Gunaz.tv

Gunaz TV-nin məlumatına görə, qərargahı Səudiyyə Ərəbistanında yerləşən İslam Dünyası Həmrəyliyi Təşkilatı İran İslam Respublikasının İordaniya və Küveytə qarşı davam edən hücumlarını, eləcə də Misirin Dəmyət limanında iki gəmiyə edilən son pilotsuz uçuş aparatı hücumunu qətiyyətlə pisləyərək bu əməlləri “cinayətkar” adlandırıb.

Təşkilatın yaydığı bəyanatda baş katib və Müsəlman Alimləri Assosiasiyasının sədri Məhəmməd əl-İsa İranın hücumlarının “ərəb ölkələrinin həyati əhəmiyyət daşıyan infrastrukturunu və mülki obyektlərini” hədəf aldığını bildirib.

Əl-İsa deyib: “Bu hücumlar həm dini dəyərlərin pozulması, həm də beynəlxalq hüquq və humanitar prinsiplərə zidd hərəkətlərdir.”

O xəbərdarlıq edib ki, bu cür addımlar “bölgənin təhlükəsizliyi və sabitliyi, eləcə də region xalqlarının həyatı üçün ciddi təhdid” yaradır.

İslam Dünyası Həmrəyliyi Təşkilatının baş katibi təşkilatın İordaniya, Küveyt və Misirlə “tam həmrəy” olduğunu vurğulayıb və bu ölkələrin öz təhlükəsizliyini, suverenliyini, vətəndaşlarını və ölkə ərazisində yaşayan insanları qorumaq üçün atdığı bütün addımları dəstəklədiyini bəyan edib.

GunAz TV
R.G

GUNAZ.TV

SON XƏBƏRLƏR