İran Hörmüz boğazı ilə bağlı nə planlaşdırır?

SON XƏBƏRLƏR

İran Hörmüz boğazı ilə bağlı nə planlaşdırır?

2026.08.03, 08:31

Tehran Hörmüz boğazı üzrə danışıqları yekun mərhələyə çatdırıb; Əraqçi Səudiyyə Ərəbistanı və Pakistanla müzakirələr aparıb.

Gunaz.tv

Gunaz TV-nin məlumatına görə, İran dövlət mediası xarici işlər naziri Abbas Əraqçinin Səudiyyə Ərəbistanının xarici işlər naziri Şahzadə Feysəl bin Fərhan və Pakistan ordusunun komandanı Asim Munirlə ayrı-ayrılıqda telefon danışığı apardığını bildirib.

İRNA agentliyinin Əraqçiyə istinadən yaydığı məlumata görə, Tehran ilə Oman arasında Hörmüz boğazı ilə bağlı aparılan danışıqlar yekun mərhələyə daxil olub.

Bu arada, İran Xarici İşlər Nazirliyinin sözçüsü İsmayıl Bəqayi bildirib ki, danışıqlar Hörmüz boğazından keçid üçün yeni marşrut üzrə razılaşmaya yönəlib. O deyib: “Bunun Hörmüz boğazının açıq və ya bağlı olması ilə heç bir əlaqəsi yoxdur. Bu, tamamilə ayrı bir məsələdir.”

Bu açıqlamalar İranın ötən ay Ərəb körfəzi ərəb ölkələrinin dəstəklədiyi və Hörmüz boğazının birgə idarə olunmasını nəzərdə tutan Oman təklifini rədd etməsindən sonra səsləndirilib. Məlumatlı mənbələrin bildirdiyinə görə, həmin plan boğazdan istifadə edən gəmilərdən könüllü ödənişlərin alınmasını da nəzərdə tuturdu.

GunAz TV
R.G

GUNAZ.TV

SON XƏBƏRLƏR