Hörmüz danışıqlarının pərdəarxası; Tehran inkar edir

SON XƏBƏRLƏR

Hörmüz danışıqlarının pərdəarxası; Tehran inkar edir

2026.08.04, 19:34

Vaşinqton danışıqlarda iştirakını təsdiqlədi, Tehran isə bunu qəbul etmir.

Gunaz.tv

Gunaz TV-nin məlumatına görə, ABŞ dövlət katibi Vaşinqtonun Hörmüz boğazı ilə bağlı aparılan danışıqlarda birbaşa iştirak etdiyini açıqlayıb. Onun sözlərinə görə, ABŞ Oman və İranla birlikdə gəmilərin bu strateji su yolundan təhlükəsiz keçidinin təmin olunması üçün aparılan müzakirələrdə iştirak edir.

ABŞ dövlət katibi deyib: “İran və Oman arasında danışıqlar gedir və biz də bu prosesdə iştirak edirik. Məqsəd qısa müddətdə daha çox gəminin Hörmüz boğazından təhlükəsiz şəkildə keçməsini təmin etməkdir.”

Bu açıqlama İran rəsmilərinin son günlər ABŞ ilə hər hansı danışıqların aparıldığını dəfələrlə təkzib etdiyi və Vaşinqtonla birbaşa təmasların olmadığını bildirdiyi bir vaxta təsadüf edir.

Bununla yanaşı, İran rəsmiləri Omanla Hörmüz boğazı barədə danışıqların davam etdiyini təsdiqləyiblər. ABŞ dövlət katibinin açıqlaması isə Vaşinqtonun bu prosesdə oynadığı rol barədə müzakirələri yenidən gündəmə gətirib.

Tərəflərin açıqlamaları göstərir ki, Vaşinqton Hörmüz boğazı ilə bağlı danışıqlarda iştirak etdiyini açıq şəkildə bəyan etdiyi halda, Tehran hələ də ABŞ ilə hər hansı birbaşa danışıqlar apardığını qəbul etmir və prosesi yalnız Omanla aparılan məsləhətləşmələr kimi təqdim edir.

GunAz TV
R.G

GUNAZ.TV

SON XƏBƏRLƏR