Yaponiya Hörmüz boğazına qüvvə göndərəcək?

SON XƏBƏRLƏR

Yaponiya Hörmüz boğazına qüvvə göndərəcək?

2026.08.06, 18:36

Gunaz.tv

Yaponiyanın Baş naziri ABŞ ilə İran arasında əldə olunan son razılaşmanı alqışlayaraq bunu regional böhranın həlli yolunda “böyük irəliləyiş” adlandırıb. Bununla yanaşı, Tokio hökumətinin Hörmüz boğazına qüvvə göndərilməsi ilə bağlı hələlik heç bir qərar qəbul etmədiyini bildirib.

Gunaz TV xəbər verir ki, Yaponiyanın Baş naziri Sanae Takaichi G7 sammiti çərçivəsində ABŞ ilə İran arasında əldə olunan son razılaşmanı regional böhranın həlli istiqamətində “böyük irəliləyiş” kimi qiymətləndirib.

O, razılaşmanın tam şəkildə icra olunacağına ümid etdiyini bildirərək deyib: “Ümid edirəm ki, bu anlaşma tam şəkildə həyata keçiriləcək, Hörmüz boğazında gəmiçiliyin azadlığı və təhlükəsizliyi təmin olunacaq, eyni zamanda İranın nüvə proqramı və digər məsələlərlə bağlı yekun razılaşma mümkün qədər tez əldə ediləcək.”

Takaichi Yaponiyanın “Özünümüdafiə Qüvvələri”nin (SDF) bölgəyə göndərilməsi ehtimalı ilə bağlı suala cavabında bildirib: “Bu mərhələdə bununla bağlı heç bir konkret qərar qəbul edilməyib.”

Yaponiya Baş nazirinin bu açıqlamaları Hörmüz boğazında təhlükəsizliyin və gəmiçiliyin sərbəstliyinin regional və beynəlxalq diplomatik müzakirələrin əsas mövzularından biri olaraq qaldığı bir vaxta təsadüf edir.

GunAz TV
R.G

GUNAZ.TV

SON XƏBƏRLƏR