Hörmüz nefti bahalaşdırdı

SON XƏBƏRLƏR

Hörmüz nefti bahalaşdırdı

2026.08.06, 20:32

Gunaz.tv

Qlobal neft qiymətləri cümə axşamı yenidən yüksəlib. İnvestorlar Hörmüz boğazı ilə bağlı prosesləri yaxından izlədiyi bir vaxtda Brent markalı neftin qiyməti 3 faizdən çox artıb.

Gunaz TV xəbər verir ki, Brent markalı neftin bir barrelinin qiyməti 3 faiz artaraq təxminən 82 dollara yüksəlib. ABŞ-ın WTI (West Texas Intermediate) markalı nefti isə 2,3 faiz bahalaşaraq bir barrel üçün təxminən 77 dollara çatıb.

Bu artım qlobal fond bazarlarında ciddi dəyişikliklərin müşahidə olunmadığı bir vaxtda baş verib. İnvestorlar şirkətlərin maliyyə hesabatlarını qiymətləndirməklə yanaşı, Hörmüz boğazı ilə bağlı danışıqların nəticələrini də diqqətlə izləyirlər.

IG ticarət platformasının baş bazar analitiki Kris Buşam deyib: “Neft qiymətlərinin artması həftənin əvvəlində yaranmış nikbinliyin bir hissəsini məhdudlaşdırıb. Bununla belə, qiymətlər hələ də bir həftə əvvəlki səviyyədən xeyli aşağıdır və bu, avqustun ikinci həftəsinə daxil olarkən bazar üçün müsbət stimul yaradır.”

XTB ticarət şirkətinin araşdırmalar üzrə direktoru Ketlin Bruks isə bildirib: “Bu gün neft bazarında müşahidə olunan ehtiyatlı mövqe göstərir ki, bazar bütün bunların real olduğunu və Hörmüz boğazının yenidən açılması ilə bağlı razılaşma perspektivinin qısamüddətli ilğımdan ibarət olmadığını təsdiqləmək üçün Ağ Evin açıqlamasını gözləyir.”

Bazar iştirakçıları hesab edirlər ki, Hörmüz boğazı ilə bağlı danışıqların nəticəsi yaxın günlərdə qlobal neft qiymətlərinin gələcək istiqamətini müəyyən edən əsas amillərdən biri olacaq.

GunAz TV
R.G

GUNAZ.TV

SON XƏBƏRLƏR