İranda benzin qıtlığı xəbərdarlığı; Pezeşkian: İdxal etməyə imkanımız yoxdur

SON XƏBƏRLƏR

İranda benzin qıtlığı xəbərdarlığı; Pezeşkian: İdxal etməyə imkanımız yoxdur

2026.08.08, 18:38

İran hökumətinin benzin idxal etmək imkanının olmaması ölkədə yanacaq qıtlığı ilə bağlı narahatlıqları artırıb.

Gunaz.tv

Gunaz.TV; İran prezidenti Məsud Pezeşkianın benzin idxalı üçün lazımi maliyyə vəsaitlərinin olmadığını bildirməsi ölkədə yaxın gələcəkdə yanacaq qıtlığı yaranacağı ilə bağlı narahatlıqları artırıb.

Pezeşkian şənbə günü ABŞ-ın İran limanlarına qarşı dəniz blokadasının təsirlərinə toxunaraq, ölkəyə mal girişinin bağlandığını və hökumətin benzin idxalı üçün lazımi vəsaitə malik olmadığını bildirib.

O, mətbuat konfransında valyuta ehtiyatlarının azaldığını qeyd edərək, hökumətinin ötən il benzin idxalına 6 milyard dollar xərclədiyini, lakin bu il bunun üçün “pulu olmadığını” deyib.

Pezeşkian əlavə edib: “Blokada şəraitindəyik və benzin idxal edə bilmirik.”

Hökumətin valyuta təminatı və benzin idxalı ilə bağlı problemlərinin davam etməsi halında İranda yanacaq qıtlığının yaranması ehtimalı artacaq. Bu vəziyyət yaxın gələcəkdə ölkədə benzin təchizatına ciddi təsir göstərə bilər.

Pezeşkian hökumətinin sözçüsü Fatemeh Mohacərani avqustun 3-də benzinin qiymətinin dəyişdirilməsi və ya yanacaq kvotasının dəyişdirilməsinin “qəti” olduğunu bildirmişdi.

Bununla yanaşı, İslam İnqilabı Keşikçiləri Korpusuna yaxın “Tasnim” xəbər agentliyi şənbə günü İran parlamentinin deputatı Əli Həddadiyə istinadən bildirib ki, bir qrup deputat Pezeşkiana məktub göndərərək xəbərdarlıq edib: “Mövcud şəraitdə benzinin qiymətinin artırılması heç bir halda məqsədəuyğun deyil.”

GunAz TV
R.G

GUNAZ.TV

SON XƏBƏRLƏR