Contact Us

SON XƏBƏRLƏR

Pezeşkian: ABŞ-ın dəniz blokadası İrana mal giriş yolunu bağlayıb

2026.08.08, 18:49
Pezeşkian: ABŞ-ın dəniz blokadası İrana mal giriş yolunu bağlayıb

Pezeşkian İrana mal giriş yolunun bağlandığını bildirib.

Gunaz.tv

Gunaz.TV; İran prezidenti Məsud Pezeşkian keçirdiyi mətbuat konfransının digər hissəsində ABŞ ordusu tərəfindən tətbiq olunan dəniz blokadasının ölkəyə mal giriş yolunu bağladığını bildirib.

İran mediasının məlumatına görə, Pezeşkian deyib: “Ölkəyə mal giriş yolunu bağlayıblar və malları başqa yoldan gətirmək üçün dolanmalı oluruq.”

O, iqtisadi problemləri və qiymət artımını təsdiqləyərək əlavə edib: “İdxal edə bildiyimiz bu qədər mal və bazarda problem yaratmayan bu qədər məhsulun olması özü təqdirəlayiqdir.”

İran mediasının məlumatına görə, ABŞ ordusu 40 günlük müharibədən sonra əldə olunan atəşkəsin ardından bu ilin fərvərdin ayının ikinci yarısından etibarən İrana qarşı dəniz blokadasına başlayıb. Tehran və Vaşinqton arasında iyunun sonunda İslamabad anlaşmasının imzalanmasından sonra bu blokada ləğv edilib.

Lakin iyulun ortalarından etibarən İrana aid olduğu bildirilən qüvvələrin Hörmüz boğazında bir neçə neft tankerinə hücum etməsindən və bunun İranla ABŞ arasında yeni qarşıdurma mərhələsinə səbəb olmasından sonra Donald Tramp yenidən İrana qarşı dəniz blokadası tətbiq edilməsi barədə göstəriş verib. Məlumata görə, blokada hələ də davam edir.

 


GunAz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar