Səudiyyə Ərəbistanında “Aramco” zavodunda yanğın

SON XƏBƏRLƏR

Səudiyyə Ərəbistanında “Aramco” zavodunda yanğın

2026.08.09, 12:59

Gunaz.tv

Səudiyyə Ərəbistanının Energetika Nazirliyi ölkənin cənub-qərbində yerləşən Cizan şəhərində “Aramco” neftayırma zavodunun obyektlərində bazar günü səhər baş verən yanğının nəzarət altına alındığını açıqlayıb.

Nazirlik yanğının səbəbi barədə məlumat verməyib və hadisə nəticəsində xəsarət alan olmadığını bildirib.

Səudiyyə Ərəbistanının Energetika Nazirliyi “X” sosial şəbəkəsində yayımladığı açıqlamada “Aramco”nun sənaye təhlükəsizliyi qruplarının yanğını nəzarət altına aldığını və aidiyyəti qurumların hadisə ilə bağlı zəruri tədbirləri tamamladığını bildirib.

Cizan Qırmızı dənizin sahilində, Yəmən sərhədinin yaxınlığında yerləşir və İran hakimiyyətinin dəstəklədiyi Yəməndəki şiə husilərinin hücum məsafəsindədir.

“Aramco” Yəməndəki husilərin inteqrasiya olunmuş qazlaşdırma kombinə edilmiş dövrə (IGCC) kompleksinə və neftayırma zavodunun çənlər bölməsinə ziyan vuran hücumundan sonra bu obyektin fəaliyyətini dayandırmışdı.

Husilər həmin vaxt Cizan və Yənbu şəhərlərində “Aramco” obyektlərini hədəfə aldıqlarını açıqlamışdılar.

Cizan neftayırma zavodu sutkada 400 min barel xam neft emal etmək gücünə malikdir. Zavodda benzin və kükürd tərkibi çox aşağı olan dizel yanacağı da daxil olmaqla müxtəlif neft məhsulları istehsal olunur.

GunAz TV
R.G

GUNAZ.TV

SON XƏBƏRLƏR