Kanada İranın yeni Baş Qərargah rəisi sanksiyaya məruz qoydu

SON XƏBƏRLƏR

Kanada İranın yeni Baş Qərargah rəisi sanksiyaya məruz qoydu

2026.08.14, 20:35

Kanada Hörmüz boğazı ilə bağlı beş iranlı yüksək vəzifəli rəsmiləri sanksiyaya məruz qoyub.

Gunaz.tv

GünAz TV xəbər verir; Kanadanın xarici işlər naziri Anita Anand cümə günü bildirib ki, ölkəsi İranın beş hərbi və siyasi rəsmisini Ottavanın fikrincə, beynəlxalq təhlükəsizlik və sabitliyə təhdid yaradan fəaliyyətlərə görə sanksiyaya məruz qoyub.

İran Silahlı Qüvvələrinin Baş Qərargahının yeni rəisi Əli Abdullahı da sanksiyaya məruz qalan şəxslər arasındadır. O, dörd gün əvvəl Müctəba Xameneinin qərarı ilə bu vəzifəyə təyin edilib.

Kanada hökuməti bildirib ki, bu şəxslər Hörmüz boğazında və ətrafında gəmiçilik azadlığını pozan və beynəlxalq hüquqa zidd olan fəaliyyətlər həyata keçiriblər.

Kanadanın xarici işlər naziri deyib: “Hörmüz boğazında gəmiçilik azadlığı qlobal ticarət və enerji təhlükəsizliyi üçün həyati əhəmiyyət daşıyır. Bugünkü sanksiyalar fəaliyyətləri bu prinsipləri zəiflədən və dünyanın iqtisadi və enerji təhlükəsizliyini təhdid edən şəxsləri hədəfə alır.”

İbrahim Zülfüqari, İbrahim Əzizi, Şəhram İrani və Həmid Hüseyni Kanadanın sanksiyaya məruz qoyduğu digər dörd şəxsdir.

Bu sanksiyalara əsasən, siyahıya salınmış şəxslərlə hər hansı maliyyə və ya kommersiya əməliyyatı aparmaq qadağandır. Onların Kanadadakı mümkün aktivləri dondurulacaq və bu şəxslərin Kanadaya girişinə də icazə verilməyəcək.

GünAz TV
R.G

GUNAZ.TV

SON XƏBƏRLƏR