İranşəhrilərdən “Xəzər dənizi”nin adının dəyişdirilməsi üçün yeni kampaniya

SON XƏBƏRLƏR

İranşəhrilərdən “Xəzər dənizi”nin adının dəyişdirilməsi üçün yeni kampaniya

2026.08.16, 12:36

Gunaz.tv

“İranşəhri” adlandırılan Türk düşməni fars millətçiləri “Xəzər dənizi”nin Türk adının dəyişdirilməsi məqsədilə “Xəzərin tarixi adının bərpası tələbi” adlı internet kampaniyasına başlayıblar.

“Xəzər” adı tarixdə mövcud olmuş Xəzər xalqının adından götürülüb. Türk dilli nüvəyə malik olan bu birlik bir neçə əsr ərzində Qafqazın, Xəzər dənizinin şimalının və Şərqi Avropanın bəzi ərazilərində hakimiyyət sürüb. Bu dəniz Azərbaycan Türkçəsində “Xəzər dənizi” adlanır və İran İslam Respublikasının rəsmi sənədlərində də əsasən “Xəzər dənizi” ifadəsindən istifadə olunur.

Azərbaycanlı tənqidçilər hesab edirlər ki, bəzi fars millətçi cərəyanlarının “Xəzər” adını “Kaspi” və ya “Mazandaran” adları ilə əvəzləmək cəhdi sadəcə coğrafi ad seçimi deyil. Onların fikrincə, bu cəhd Türk tarixini əks etdirən izlərin silinməsi və ya zəiflədilməsi meyli ilə bağlıdır.

Bu həssaslığın uzun tarixi var. Daha əvvəl keçirilmiş bir kampaniyada fars millətçiləri Xəzərləri açıq şəkildə “işğalçı və anti-İran xalqı” adlandıraraq onların adının bu dənizdən silinməsini tələb etmişdilər. Bu cür ifadələr kampaniyanın millətçi mahiyyətini ortaya qoyur.

Son yüz il ərzində İranda fars irqçiliyi və Türk düşmənçiliyinin sistemləşdirildiyi bildirilir. Bu ölkədə Türklər dəfələrlə irqçi təhqir və alçaltmalara məruz qalıb. İranın dərsliklərində, mediasında və rəsmi mətbuatında da Türklərin alçaldılması, onların tarix və kimliyinin təhrif edilməsi ilə bağlı hallar dəfələrlə gündəmə gəlib.edib.

GünAz TV
R.G

GUNAZ.TV

SON XƏBƏRLƏR